Hoteli "Football", në pronësi të Rajan Gigs dhe një tjetër legjende të Mançester Junajtid, Geri Nevill, është kthyer në një qendër prostitucioni dhe droge. Kjo është ajo që raporton e përditshmja angleze "The Sun", e cila tregon se në këtë rrjet kanë përfunduar klientë shumë të njohur, mes të cilëve disa futbollistë.
Sipas Kat Li, e cila është një prostitutë që ka zhvilluar aktivitetin e saj në këtë hotel, janë më shumë se 30 punëtore seksi të cilat frekuentojnë hotelin "Football", ku klientët i rezervojnë ato nëpërmjet një faqeje interneti.
Takimi i fundit i Li ka qenë me një person që pretendonte se punonte te Mançester Junajtid, por që nuk i kishte thënë se çfarë pozicioni mbante të "djajtë e kuq". Ai i kishte kërkuar të pozonte nudo duke mbajtur në dorë një letër ku shkruhej " Lamtumirë Van".
"Ai ishte i 8 që më rezervonte nëpërmjet një agjencie. Mbi 30 vajza janë kontaktuar prej tyre. Nuk dihet se sa prostituta mund të kenë përfunduar në atë hotel", tha Kat.
Edhe pse hoteli s'ka shumë kohë që është hapur, ky është skandali i dytë i madh në të cilin ai është përfshirë, pas skandalit të mbetjeve të kokainës të gjetura në tualetet e tij.
