Protesta festive perkujtohet Enver Hoxha ne Kanada

Ndërkohë që protestat kundër vështirësive ekonomike dhe keq-menaxhimit të qeverive që u kryen në 192 qytete apo 82 shtete në të gjithë botën, u kthyen në disa qytete në protesta kundër kapitalizmit, në Vankuver të Kanadasë kjo u ndje më shumë se në çdo vend tjetër, pasi një protestues kishte menduar të paralelizonte protestën e tij pro-komuniste me një festë për ditëlindjen e diktatorit shqiptar, Enver Hoxha. Me një tortë të vendosur në shesh, të mbushur me fruta dhe me mbishkrimin “Enver Hoxha, 16-10-1908 Forever”(Përgjithmonë), ai ka kënduar edhe të famshmen “Internacionale” në gjuhën shqipe. Protesta festive e të rinjve kanadezë ishte tejet origjinale dhe e paqme, madje edhe ata vetë buzëqeshnin teksa prisnin që miku i tyre të mbaronte leximin në letër të “Internacionales” shqip, sigurisht me pak gabime.