Putin ve ne gatishmeri trupat kombat

Presidenti i Rusisë, Vladimir Putin ka dhënë një urdhër urgjent për testimin e gatishmërisë së trupave kombat të forcave të armatosura në perëndim të Rusisë. Lajmi raportohet nga “Interfax” dhe agjenci të tjera informative ruse. Një veprim i tillë cilësohet si tregim muskujsh nisur nga tensioni në Ukrainë.

Një lëvizje e tillë pritet të nxisë frikë lidhur me mundësitë e një kërcënimi separatist në Ukrainë. Mediet ruse citojnë ministrin e Mbrojtjes, Sergei Shoigu që sqaron se Putin ka urdhëruar stërvitjen të mërkurën në orën 14:00. Ndërsa Kremlini nuk ka konfirmuar ende një urdhër të tillë.