Tiranë 28 Tetor /ATSH/ -Kryeministri Edi Rama, përsëriti kërkesën për investitorët kinezë për të qenë më prezent në vendin tonë, gjatë një takimi që zhvilloi sot me Guvernatorin e Hong Kongut, Leung Chun-Ying, në rezidencën e qeverisë.
Ndërsa theksoi nevojën e rritjes se shkëmbimeve tregtare mes dy vendeve, Rama nënvizoi bukuritë natyrore të Shqipërisë, pozicionin e favorshëm gjeografik, lehtësirat në taksa dhe tregun e favorshëm të punës, për çdo sipërmarrës që ka interes të investojë në vendin tonë.
Nga ana e tij, Guvernatori Leung Chun-Ying, vlerësoi marrëdhëniet mes dy vendeve si të shkëlqyera dhe u angazhua për të nxitur investitorët vendas e të huaj për projekte në Shqipëri në fushën e turizmit dhe tregtisë.
Nga dita e djeshme, Kryeministri ndodhet në Hong-Kong, në kuadër të një vizite tre ditore.
Një ditë më parë ai mori pjesë në forumin ekonomik ku u prezantoi sipërmarrësve të Hong-Kongut avantazhet që ofron vendi ynë për investitime. /b.k/ /a.g/
