TIRANË, 21 Nëntor /ATSH/ .- Kryeministri Edi Rama, i cili prej dy ditësh ndodhet në Turqi në kuadër të një vizite zyrtare, vizitoi këtë të premte Patriarkanën Ekumenike të Stambollit, ku u prit nga Sh. T. Patriarku Ekumenik, Bartolomeun I.
Lajmin e konfirmoi vet kreu i Qeverisë nëpërmjet një postimi në faqen e tij në Facebook ku shkruan: "Sot në Patriarkanën Ekumenike të Stambollit për të bashkëbiseduar me Sh. T. Patriarkun Ekumenik, Bartolomeun I për sfidën e përbashkët të shteteve e të institucioneve fetare në ruajtjen dhe promovimin e tolerancës fetare; një sfidë me rëndësi jetike në rajonin tonë ku Shqipëria ka një rol të posaçëm për të luajtur"./b.k//m.m/
