Leiçester Siti barazoi 1-1 me Mançester Junajtid duke thelluar diferencën me +8 pikë ndaj Totenhemit të vendit të dytë. Këta të fundit kanë një ndeshje më pak dhe do të luajnë nesër ndaj buve të Çelsit.
Një barazim i mundshëm, apo një fitore e Çelsit në këtë takim do t'i jepte titullin kampion Leiçesterit, pasi Premier Liga përfundon pas dy javësh.
Por deklarata surprizë vjen nga trajneri i Leiçesterit, Klaudio Ranieri. Pas ndeshjes ai tha se nuk do ta shihte duelin mes Çelsit dhe Totehnemit, pasi do të udhëtonte për në Itali.
Orari i udhëtimit me avion përkon me orarin në të cilin luhet ndeshja. Ranieri tha se "do të jem i fundit në Mbretërinë e Bashkuar që do të marr vesh nëse kemi fituar kampionatin, apo jo".
Tekniku ka zgjedhur të pushojë në Itali në kohën kur në Leiçester dhe në Angli priten festime për fitoren e mundshme të "Dhelprave".
Duke folur për ndeshjen, Ranieri vlerësoi kundërshtarët dhe paraqitjen e treguar nga futbollistët e tij. Për trajnerin pika e marrë ndaj Mançester Junajtid ishtë me mjaft vlerë në prag të mbylljeS së kampionatit.
