Pardje u shënua 102-vjetori i lindjes së Nënë Terezës. Ndonëse përvjetorë të tillë zakonisht kalojnë pa zhurmë, në rrjetet sociale jo pak shqiptarë qarkullonin foton e saj, si një urim, por edhe simbol i mirësisë. E lindur më 26 gusht të vitit 1910, me gjak shqiptar dhe besim katolik, çmimi “Nobel” për paqen në vitin 1979 dhe e shenjtëruar më 2003-shin nga Papa Gjon Pali II, është një figurë që ka hyrë tashmë në historinë botërore. Punët e saj të bamirësisë, por edhe postulatet e saj për jetën, njeriun, dashurinë, qarkullojnë sot si “të shenjta”. Kur një gazetar amerikan e pa Nënë Terezën të lante një burrë të mbuluar nga plagët, i tha: “Unë nuk do ta bëja këtë as për një milion dollarë! Duke qeshur ajo iu përgjigj: “As unë!”. Revista amerikane “Time” në numrin special të këtij viti “The 100 Most Influential People of All Time” (Njëqind njerëzit më me ndikimin në të gjitha kohërat), përfshin në këtë listë edhe Nënë Terezën.
Para dy vjetësh, me rastin e 100-vjetorit të lindjes së bamirëses shqiptare, kjo revistë i kushtoi një numër special, ndërsa disa dekada më parë, “Time” botoi në faqen e parë fotografinë e Nënës Terezës dhe shkrimin me titull: “Mother Teresa, Living Saint” (Nënë Tereza, Shenjtëreshë e Gjallë). Në kopertinën e ilustruar të kësaj reviste janë botuar fotografitë e 13 personaliteteve më të shquara gjatë gjithë historisë njerëzore. Mes tyre edhe fotografia e Nënë Terezës. Hyrjen e kësaj reviste prej 124 faqesh e ka shkruar profesor Douglas Brinkley, një historian i njohur amerikan. Revista në fjalë shkruan gjerësisht për Konstandinin e Madh, por qysh atëherë e deri sot, përveç Nënës Terezës nuk përmendet asnjë personalitet me rëndësi nga Ballkani.
Duke u ndarë në katër kapituj, në kapitullin e parë që mban titullin “Shtyllat e Moralit”, përfshihet edhe Nënë Tereza. Veprimtaria e tyre shpjegohet me këto fjalë: “Ata hoqën dorë nga dëshirat politike dhe joshjet për pasuri, vazhduan udhën e heshtjes, të prirë nga thirrja e shpirtit. Ata janë shenjtër e profetë, qëllimi i të cilëve nuk është kjo botë”. Kapitulli “Shtyllat e Moralit” fillon me Abrahamin dhe vazhdon me Konfucien, Budën, Sokratin, Platonin, Jezu Krishtin, Shën Palin, Muhamedin, Xheladin Rumin, Shën Françeskun e Asisit, Immanuel Kantin dhe Nënën Terezën.
Në faqen e fundit të këtij kapitulli figurojnë emrat e kinezit Lao Tzu, Shën Augustinit dhe Papa Gjon Palit të Dytë. Ata cilësohen si tre misionarë që kanë përhapur mesazhin e tyre nëpër botë. Në faqen 18 është fotografia dhe biografia e Nënës Terezës. Ndërsa kur është fjala për çështje shpirtërore të botës së krishterë, revista “Time” e vendos Nënë Terezën në vendin e katërt, menjëherë pas Jezu Krishtit, Shën Palit dhe Shën Françeskut.
Para dy vjetësh, me rastin e 100-vjetorit të lindjes së bamirëses shqiptare, kjo revistë i kushtoi një numër special, ndërsa disa dekada më parë, “Time” botoi në faqen e parë fotografinë e Nënës Terezës dhe shkrimin me titull: “Mother Teresa, Living Saint” (Nënë Tereza, Shenjtëreshë e Gjallë). Në kopertinën e ilustruar të kësaj reviste janë botuar fotografitë e 13 personaliteteve më të shquara gjatë gjithë historisë njerëzore. Mes tyre edhe fotografia e Nënë Terezës. Hyrjen e kësaj reviste prej 124 faqesh e ka shkruar profesor Douglas Brinkley, një historian i njohur amerikan. Revista në fjalë shkruan gjerësisht për Konstandinin e Madh, por qysh atëherë e deri sot, përveç Nënës Terezës nuk përmendet asnjë personalitet me rëndësi nga Ballkani.
Duke u ndarë në katër kapituj, në kapitullin e parë që mban titullin “Shtyllat e Moralit”, përfshihet edhe Nënë Tereza. Veprimtaria e tyre shpjegohet me këto fjalë: “Ata hoqën dorë nga dëshirat politike dhe joshjet për pasuri, vazhduan udhën e heshtjes, të prirë nga thirrja e shpirtit. Ata janë shenjtër e profetë, qëllimi i të cilëve nuk është kjo botë”. Kapitulli “Shtyllat e Moralit” fillon me Abrahamin dhe vazhdon me Konfucien, Budën, Sokratin, Platonin, Jezu Krishtin, Shën Palin, Muhamedin, Xheladin Rumin, Shën Françeskun e Asisit, Immanuel Kantin dhe Nënën Terezën.
Në faqen e fundit të këtij kapitulli figurojnë emrat e kinezit Lao Tzu, Shën Augustinit dhe Papa Gjon Palit të Dytë. Ata cilësohen si tre misionarë që kanë përhapur mesazhin e tyre nëpër botë. Në faqen 18 është fotografia dhe biografia e Nënës Terezës. Ndërsa kur është fjala për çështje shpirtërore të botës së krishterë, revista “Time” e vendos Nënë Terezën në vendin e katërt, menjëherë pas Jezu Krishtit, Shën Palit dhe Shën Françeskut.
