Rete e cuditshme lentikulare

Retë shpesh krijojnë formacione të çuditshme në qiej. Këto formacione fantastike janë fotografuar shpesh nga fotografë në zë të revistave më prestigjioze të botës. Kjo foto, e cila tregon një re në formën e një hapëseje shishesh vere, u mor në Parkun Kombëtar të malit Rainier, në Uashington, SHBA. Kësaj radhe fotografi ishte amator, Tajler Mode. Ai tha se ishte bërë si i hipnotizuar pas formacioneve të reve. Ai kalon shumë orë të ditës apo natës jashtë, në pritje të formimit të ndonjë reje të çuditshme. “Retë maskohen zakonisht nga re të tjera dhe janë emërtuar ‘lentikulare’ për shkak të formës së tyre”, tha ai. Formacionet “lentikulare” janë re të palëvizshme, që formohen zakonisht nga ajri me lagështi në rritje, në sipërfaqe të larta malore. Retë formohen zakonisht në drejtim pingul dhe janë shmangur zakonisht nga pilotët e avionëve për shkak të trazirave atmosferike që krijojnë.