Aktiviteti, i cili është nën mbështetjen e Këshillit të Evropës, synon ruajtjen dhe promovimin e vlerave të trashëgimisë kulturore. Ky aktivitet do të përpiqet të promovojë të gjitha ato vlera të trashëgimisë sonë kulturore. Në kuadër të këtij aktiviteti, gjatë vitit 2008, do të mbahet një seminar me temë "Arkeologjia nënujore dhe potencialet e saj në Shqipëri", në të cilin do të diskutohen ndër të tjera edhe çështje të tilla si: shfrytëzimi i potencialeve arkeologjike nënujore në të mirë të turizmit kulturor etj.
Në Shqipëri, ky aktivitet zhvillohet që nga viti 1998, vit në të cilin u organizua një seminar shkencor me temë: "Voskopoja dhe tradita e saj kulturore". Në vitin 1999, "Ditët e trashëgimisë kulturore evropiane" nuk u zhvillua në një qendër të vetme dhe nuk pati një tematikë fikse. Objekt i aktivitetit nuk ishin specialistët me temat e tyre, por vetë të rinjtë e shkollave të mesme të disa qyteteve dhe njohja e tyre me monumentet kulturore. Përzgjedhja e tematikës "Të njohim monumentet kulturore të rrethit tonë", synonte promovimin e vlerave historike, dhënien e një informacioni për vlerat që mbartin shumë kala, objekte kulti, ura, fortifikime etj., si dhe rritjen e krenarisë për trashëgiminë tonë të pasur kulturore. Ky projekt u realizua në disa qytete njëkohësisht, si në Shkodër, Durrës, Elbasan, Korçë dhe Gjirokastër. Turneu u udhëhoq nga specialistë të Institutit të Monumenteve të Kulturës. Viti 2000 do ta gjente aktivitetin në Tiranë, ku kësaj here u përurua faza e parë e restaurimit të kompleksit të ministrive, e quajtur "Kthim në Identitet".
Ky aktivitet u shoqërua me një ekspozitë me foto të vjetra të qytetit të Tiranës, si dhe me koncerte e parada me veshje popullore, të cilat i shtuan atmosferën festive aktivitetit.
Në datat 28, 29 e 30 shtator 2003, "Ditët e trashëgimisë kulturore evropiane" u zhvillua në Gjirokastër.
Më pas, aktiviteti "Ditë të trashëgimisë kulturore evropiane" për vitin 2005 u organizua në një sërë aktivitetesh me një gjeografi të pasur, të shpërndarë, si në Tiranë, Berat, Gjirokastër etj. Në vitin 2007 u krijua një rrjet aktivitetesh të zhvilluara nga institucione të ndryshme si: në Galerinë e Arteve në Tiranë, Drejtorinë Rajonale të Monumente në Durrës, në Parkun Kombëtar Arkeologjik të Butrintit etj.
Nga : Gazeta Shqip
Në Shqipëri, ky aktivitet zhvillohet që nga viti 1998, vit në të cilin u organizua një seminar shkencor me temë: "Voskopoja dhe tradita e saj kulturore". Në vitin 1999, "Ditët e trashëgimisë kulturore evropiane" nuk u zhvillua në një qendër të vetme dhe nuk pati një tematikë fikse. Objekt i aktivitetit nuk ishin specialistët me temat e tyre, por vetë të rinjtë e shkollave të mesme të disa qyteteve dhe njohja e tyre me monumentet kulturore. Përzgjedhja e tematikës "Të njohim monumentet kulturore të rrethit tonë", synonte promovimin e vlerave historike, dhënien e një informacioni për vlerat që mbartin shumë kala, objekte kulti, ura, fortifikime etj., si dhe rritjen e krenarisë për trashëgiminë tonë të pasur kulturore. Ky projekt u realizua në disa qytete njëkohësisht, si në Shkodër, Durrës, Elbasan, Korçë dhe Gjirokastër. Turneu u udhëhoq nga specialistë të Institutit të Monumenteve të Kulturës. Viti 2000 do ta gjente aktivitetin në Tiranë, ku kësaj here u përurua faza e parë e restaurimit të kompleksit të ministrive, e quajtur "Kthim në Identitet".
Ky aktivitet u shoqërua me një ekspozitë me foto të vjetra të qytetit të Tiranës, si dhe me koncerte e parada me veshje popullore, të cilat i shtuan atmosferën festive aktivitetit.
Në datat 28, 29 e 30 shtator 2003, "Ditët e trashëgimisë kulturore evropiane" u zhvillua në Gjirokastër.
Më pas, aktiviteti "Ditë të trashëgimisë kulturore evropiane" për vitin 2005 u organizua në një sërë aktivitetesh me një gjeografi të pasur, të shpërndarë, si në Tiranë, Berat, Gjirokastër etj. Në vitin 2007 u krijua një rrjet aktivitetesh të zhvilluara nga institucione të ndryshme si: në Galerinë e Arteve në Tiranë, Drejtorinë Rajonale të Monumente në Durrës, në Parkun Kombëtar Arkeologjik të Butrintit etj.
Nga : Gazeta Shqip
