Saimir Strati tri here ne Giunnes tani me tapa vere

Pas "Leonardo da Vinçi" dhe "Shpirti i lirë", me "Mesdheun" ai ka arritur të fitojë për të tretën herë një "Guinness". Pas një vepre me gozhdë e një tjetre me kunja dhëmbësh, e treta është realizuar me tapa vere. Të fundit nga 300 mijë të tilla, piktori e ka vendosur dje, duke i dhënë fund një vepre të përmasave të mëdha, të instaluar në një hapësirë prej 100 metra katrorësh. Në vetëm 27 ditë, ai ka arritur të realizojë një tjetër mozaik që është edhe tentativa e parë në rang botëror për realizimin e një mozaiku me këtë material. "Mesdheu" i Stratit është kompozuar me elementë që i përkasin këtij rajoni dhe tapat e verës i shtojnë shijen. Ai ka sjellë një imazh, në të cilin ka rrëfyer shpirtin mesdhetar, e aty bën pjesë edhe Shqipëria.

Dje në mbrëmje, Carlos Martinez, përfaqësues i jurisë së Londrës, ka vlerësuar punën e Saimir Stratit, duke i ka dhënë certifikatën e "Guinness Ëorld Record". Për realizimin e mozaikut "Mesdheu" piktori nisi të punojë më 8 gusht dhe gjatë kësaj kohe ai ka punuar 16-17 orë në ditë. Saimir Strati është zyrtarisht i pari shqiptar që thyen rekordin botëror "Guinness", fillimisht për mozaikun me gozhdë më të madh në botë. Strati është diplomuar në pikturë në Akademinë e Arteve të Bukura në 1989-ën dhe po këtë vit fitoi çmimin e parë në Konkursin Kombëtar të Arteve të Aplikuara. Ka punuar si restaurues i mozaikëve në sitet antike të Butrintit, Apolonisë dhe Bylisit. Në vitin 1996, hapi ekspozitën e parë personale. Tre vjet më pas çeli një ekspozitë.