Samsung Electronics Co. sot ka prezantuar modelin e saj të ri të telefonit, Galaxy SIII, i cili është më i shpejtë dhe me ekran më të madh sesa rivali i saj më i madh, iPhone. Galaxy S III është zbuluar në një ngjarje ekskluzive të kompanisë në Londër, ndërsa risitë kryesore të këtij modeli, përveç shpejtësisë së procesorit dhe madhësisë së ekranit, janë edhe njohja e fytyrës së pronarit të telefonit, fotografitë e shumëfishta brenda një shkrepje, shikimi i videove në telefon ndërsa shkruani SMS porosi, dhe më shumë se kaq. Samsung po shpreson që me telefonin e saj më të ri, t’i mbajë rivalët e saj larg nga pjesa e vet e tregut, si dhe të konkurrojë edhe më ashpër me Apple iPhone.
Për më shumë, Samsung Galaxy SIII ka një përgjigje edhe për iPhone Siri, pasi që një funksion të ngjashëm e ofron edhe ky model. Në anën tjetër, Galaxy SIII ka edhe sensorin e syrit i cili ia pamundëson ekranit që të zbeh ndriçimin.
Galaxy SIII fillimisht do të lansohet në Evropë, në fund të muajit maj, ndërsa paraqitja e këtij telefoni në SHBA pritet të ndodhë gjatë muajit dhjetor. Galaxy SIII do të vijë në dy ngjyra, të bardhë dhe të kaltër, ndërsa ekrani i saj me 4.8 inç në teknologjinë AMOLED Plus vjen me 1280 x 720 piksel. Mbështjellësi i telefonit është i bërë nga plastika e polikarbonit, në madhësi prej 136.6mm x 70.6mm x 8.6mm dhe peshon 133 gram. Kamera e pasme e telefonit është me 8 mega-piksel, ndërsa ajo e përparme me 1.9 mega-piksel. Kapaciteti i memories vjen me 16 GB dhe 32 GB fillimisht, për tu pasuar më pas edhe me 64 GB, pas vendosjes së mikro kartelës SD.
Për më shumë, Samsung Galaxy SIII ka një përgjigje edhe për iPhone Siri, pasi që një funksion të ngjashëm e ofron edhe ky model. Në anën tjetër, Galaxy SIII ka edhe sensorin e syrit i cili ia pamundëson ekranit që të zbeh ndriçimin.
Galaxy SIII fillimisht do të lansohet në Evropë, në fund të muajit maj, ndërsa paraqitja e këtij telefoni në SHBA pritet të ndodhë gjatë muajit dhjetor. Galaxy SIII do të vijë në dy ngjyra, të bardhë dhe të kaltër, ndërsa ekrani i saj me 4.8 inç në teknologjinë AMOLED Plus vjen me 1280 x 720 piksel. Mbështjellësi i telefonit është i bërë nga plastika e polikarbonit, në madhësi prej 136.6mm x 70.6mm x 8.6mm dhe peshon 133 gram. Kamera e pasme e telefonit është me 8 mega-piksel, ndërsa ajo e përparme me 1.9 mega-piksel. Kapaciteti i memories vjen me 16 GB dhe 32 GB fillimisht, për tu pasuar më pas edhe me 64 GB, pas vendosjes së mikro kartelës SD.
