Seance e posacme per viziten e Erdoganit

Nesër do të mbërrijë për një vizitë zyrtare në Shqipëri, kryeministri i Turqisë,  Recep Tayyip Erdogan.

“Kuvendi i Republikës së Shqipërisë  mblidhet në seancë të  posaçme plenare në nder të Kryeministrit të Republikës së Turqisë z. Recep Tayyip Erdogan. Kryetari i Kuvendit, z. Ilir Meta do të presë Kryeministrin e Turqisë z. Recep Tayyip Erdogan ditën e mërkurë  datë 14 maj 2014,  në orën 17.00 në Kryesinë e Kuvendit  dhe delegacionin që e shoqëron”, thuhet në një njoftim të zyrës së shtypit pranë Kuvendit.

“Më pas, në orën 18.00 Kryeministri i Republikës së Turqisë z. Rexhep Taip Erdogan do të mbajë një fjalë përshëndetëse në  sallën e seancës plenare.”

Vizita e Erdoganit në Tiranë vjen në një kohë kur Turqia është mbërthyer nga debate për zgjedhjet presidenciale. Kreu i qeverisë turke do të jetë i shoqëruar nga disa ministra dhe shumë biznesmenë. Erdogan gjatë qëndrimit në Tiranë do të marrë pjesë në takimin e nivelit të lartë për bashkëpunimin strategjik mes dy vendeve në kuadër të 500 viteve histori të përbashkët.