Shefi i teknologjise braktis Facebook

Shefi i teknologjisë në Facebook, Bret Taylor ka njoftuar se ai do të lërë rrjetin social në javet e ardhshme për të rifilluar në një kompani të re. Muajin e shkuar Facebook qarkulloi një pjesë të aksioneve në bursën e Nasdaq duke bërë shumë prej punonjësve të tij miliarderë brenda natës.

Por aksionet kanë rënë ndjeshëm gjithashtu kompania është paditur nga aksionerë të pakënqur të cilët pretendojnë se shifrat e rritjes së Facebook nuk i janë bërë të ditura të gjithë atyre para rënies. Ndërkohë zoti Taylor tha se ishte i trishtuar që po largohej por shumë i ngazëllyer që do të startojë një kompani të re.

‘Ndërkohë që një tranzicion i tillë s’është kurrë i lehtë unë kam besim në ekipet që kam lënë pas’- tha ai.

Po ashtu Bret Taylor tha se ishte krenar për zhvillimet e fundit të faqes duke përfshirë Facebook Camera dhe integrimin në produktet Apple. Nga ana tjetër themeluesi i Facebook, Mark Zuckerberg tha se e kishte shijuar punën me zotin Taylor dhe i ishte mirënjohës për gjithçka ka bërë për Facebook.