Shifra zyrtare 15 police te plagosur 3 ne gjendje te rende

Update - Sipas informacioneve zyrtare nga spitali i Shkupit, deri më tani janë paraqitur në ambjentet e tij për të kërkuar ndihmë mjekësore 15 policë të plagosur.

Tre prej të plagosurve janë në gjendje kritike për jetën, por nuk jepen detaje më të hollësishme.

09:38 - Pesë policë janë plagosur dhe nuk dihet sa është numri i viktimave nga përleshjet e mëngjesit në Kumanovë mes forcave policore maqedonase dhe kinse një grupi të armatosur
Jozyrtarisht mësohet se policët e plagosur janë jashtë rrezikut për jetë dhe gjenden në Spitalin e Kumanovës.


Të gjitha hyrje-daljet në këtë qytet janë të bllokuara nga policia, ndërsa fluturojnë edhe helikopter të ushtrisë mbi Kumanovë.

Banorët janë tepër të tronditur nga krismat që kanë filluar që nga orët e hershme të mëngjesit.