Euro 2012 shënon viktimën e parë. Një 26-vjeçar nga qyteti Changsha i Kinës ndërroi jetë pasi u mundua të shihte të gjitha ndeshjet e EURO 2012, të cilat në Kinë transmetohen në orët e para të mëngjesit. Sipas portalit informativ Sina.com, Jiang Xiaoshan, tifoz me Anglinë dhe Francën, vdiq më 19 qershor pasi pa me disa miq ndeshjen Irlandë-Itali. Pas përfundimit të takimit, Jiang u kthye në shtëpi, bëri dush, ra të flinte në orën 5 të mëngjesit dhe nuk u zgjua më.
I riu ishte i shëndetshëm e madje kishte luajtur vetë futboll me skuadrën e universitetit, por mungesa e gjumit dhe konsumimi i alkoolit i kanë dobësuar sistemin imunitar sipas informacioneve nga Sina.com. Edhe në Kupën e Botës 2006 dhe atë 2010 janë publikuar lajme të rinjsh që kanë vdekur në vendin aziatik duke ndjekur skuadrat e tyre të preferuara si Brazili, Gjermania dhe Italia.
I riu ishte i shëndetshëm e madje kishte luajtur vetë futboll me skuadrën e universitetit, por mungesa e gjumit dhe konsumimi i alkoolit i kanë dobësuar sistemin imunitar sipas informacioneve nga Sina.com. Edhe në Kupën e Botës 2006 dhe atë 2010 janë publikuar lajme të rinjsh që kanë vdekur në vendin aziatik duke ndjekur skuadrat e tyre të preferuara si Brazili, Gjermania dhe Italia.
