Një vit më parë, pro va për shortin e Champions-it pati një saktësi prej plot 100% në gjetjen e çifteve që do binin një ditë më pas. 
Diçka që u pasua nga shumë dyshime dhe akuza se gjithçka ishte e paracaktuar prej kompanive që menaxhonin të drejtën televizive. Por, mbetën thjesht në kuadratin e dyshimeve, pasi nuk doli asnjë provë konkrete për të cenuar integritetin e organizatorëve. Ndërkohë, sivjet gjithçka lidhet me rendin alfabetik. Nuk është aq e dyshimtë sa një vit më parë, por prapë ka mjaftuar që në rrjetet sociale dhe media të ndryshme, ta cilësojnë si "rastësi të çuditshme".
Në çerekfinale, ekipet që u përballën me njëritjetrin ishin ekzaktësisht si edhe në renditjen e bërë nga UEFA një ditë më parë, me rregullin e alfabetit. Plot tetë ekipe dhe katër çifte, ashtu siç ishte "paralajmëruar". Normalisht, ishte thjesht një koincidencë. Por, duket se edhe raundi pasardhës pati të njëjtin fat.
Edhe këtë herë, në uebsajtin zyrtar të UEFA-s, ndeshjet u vendosën siç edhe ishin renditur. Një tjetër arsye që u ka dhënë skeptikëve mundësinë që të dyshojnë mbi paracaktimin e dueleve që do ketë, për të "plotësuar dëshirat" e kompanive që administrojnë të drejtën televizive. Gjysmëfinalet - Dy ndeshje me të vërtetë mjaft interesante do jenë në katërshen e Ligës së Kampioneve. Reali i Madridit shpreson të sigurojë Champions-in e 11- të, kur do ndeshet me një ekip pa shumë eksperiencë, si Mançester Siti.
Pavarësisht se janë debutues në gjysmëfinale, anglezët kanë një trajner si Pelegrini që e njeh mjaft mirë ambientin madrilen. Ndërkohë, nga ana tjetër do përballen dy filozofi të ndryshme loje. Ajo e Guardiolës që ka bërë epokë në vitet e fundit dhe ajo e Diego Simeones që po tregon se gjigantët mund të gjunjëzohen, me grintë, zemër dhe pak parà. Sfida që, sido që të ketë qenë shorti, i paracaktuar apo jo, do tërheqin një vë- mendje të madhe të sportdashësve, duke ditur që cilësohen edhe si të ekuilibruara.
Gjysmëfinalet
26 PRILL
MAN. SITI - REAL MADRID 20:45
27 PRILL
ATL. MADRID - BAJERN M. 20:45
3 MAJ
BAJERN M. - ATL. MADRID 20:45
4 MAJ
REAL MADRID - MAN. SITI 20:45
FINALJA (28 MAJ)
"SAN SIRO", MILANO
