Ish-kryetari i Bashkisë së Vlorës, Shpëtim Gjika, nuk përmbahet ndaj kombëtares gjermane të futbollit dhe trajnerit të saj, Joakim Lëv.
Në një koment të publikuar në profili e tij në rrjetin social "Facebook", Gjika shprehet i zhgënjyer nga fitorja e Gjermanisë me rezultatin minimal 0-1 ndaj Irlandës së Veriut.
Ndeshja mes dy ekipeve pritej me interes për Kombëtaren shqiptare të futbollit, pasi një fitore e gjermanëve me rezultatin 4-0, do të rriste mundësitë e kuqezinjve për kualifikimin në 1/8-at e Europianit.
"E po ta mbaj inatin 72 vjet Gjermania me ne kjo eshte e c'eshte! Po c'faj ka De Biasi qe ju mundem ne shqiptaret ne 1944 o do(j)ça! E cte presesh nga nje trajner si Levi! Kruaj menderen e meri ere o trajner! Ptu o bythec!",-shkruan Gjika në "Facebook".
