UPDATE/ Shqipëria debutoi me humbje në finalet e një Europiani. Kuqezinjtë nuk mundën të merrnin një rezultat pozitiv në takimin me Zvicrën në stadiumin "Bollaert-Delelis".
Një gol i helvetëve i realizuar në pjesën e parë përcaktoi edhe rezultatin final të takimit. Ndërsa pjesa e parë foli për Zvicrën, 45´ minutat e dyta u dominuan nga fotbollistët e Kombëtares, paçka se luanin me një fubtollist më pak.
Djemtë e De Biazit rritën presionin e lojës në minutat e fundit. Sadiku iu afrua barazimit në 76´, por gjuajtja e tij preku rrjetën e jashtë të portës.
Kuqezinjtë nuk u ndalën edhe pse luanin me një lojtar më pak në fushë. Rastin më të pastër për shënimin e golit duket se e pati Gashi. Sulmuesi që luan për Kolorado Rapids në SHBA doli i vetëm para portierit në minutën e 87´, por gjuajtja e tij u devijua nga portieri i Zvicrës.
Pjesa e parë
Zvicra fitoi me rezultatin 0-1 në pjesën e parë ndaj Shqipërisë. Goli i helvetëve erdhi në minutat e parë nga një goditje nga këndi. Shar fitoi duelin në ajër me Berishën dhe shënoi me kokë në minutën e 05´.
Një rast i artë për kuqezinjtë për të barazuar rezultatin ishte në minutën e 31´, kur Armando Sadiku i gjendur përballë portierit kundërshtar nuk mundi të shënojë.
Avantazhi i një goli i dha mundësi zviceranëve që të shfrytëzonin kundërsulmet. Kuqezinjtë morën një tjetër goditje kur kapiteni Lorik Cana u ndëshkua me kartonin e dytë të verdhë pas prekjes së topit me dorë në limitet e zonës së rreptësisë.
Shar duke festuar shenimin e golit
Rezultati final:
Shqipëri - Zvicër 0 - 1
Gol: Shar 05´
Minutat:
90´ Mbyllet pjesa e dytë
87´ Çfarë rasti humbet Gashi! Sulmuesi i Kombëtares u gjend i vetëm farë pranë portierit të Zvicrës, por topi i gjuajtur prej tij kaloi mbi kuadratin e portës.
81´ Zëvendësim për djemtë e De Biazit, Gashi futet në vend të Sadikut.
76´ Tjetër rast i rrezikshëm për kuqezinjtë. Sadiku merr një pasim nga Hysaj në krahun e djathtë, gjuan pranë zonës, por topi prek rrjetën e jashtë.
74' Zëvendësim për De Biazin. Roshi ia lë vendin Cikalleshit.
70´ Kuqezinjtë fitojnë një tjetër goditje nga këndi. pranë topit Kaçe që kroson në zonë, por largojnë futbollistët e Zvicrës.
66´ Super pritje e Berishës. Zviceranët nisin një aksion të shpejtë me anë të Seferoviç që gjendet përballë Berishës, por ndërhyrja e gardianit kuqezi ishte vendimtare për shpëtimin një goli të sigurt.
62´ Zëvendësim te Zvicra. Largohet Mehmedi, futet Embolo.
61´ Zëvendësimi i parë për kuqezinjtë. Largohet Taulant Xhaka, në vend të tij futet Ergys Kaçe.
58´ Lenjani nis një aksion nga qendra, futet në zonë, nuk gjen futbollistë të Kombëtares afër zonë dhe pason për Hysajn. Ky i fundit fut një top në zonë, por topi merret nga futbollistët zviceranë.
56´ Kuqezinjtë luajnë në gjysmëfushën e Zvicrës. Sadiku fiton një rivënie anësore.
53´ Pritje e shkëlqyer e Berishës. Seferoviç futet në zonë, godet drejt portës, por pret gardiani Berisha që mban Kombëtaren në lojë.
49´ Rast i rrezikshëm për kuqezinjtë. Hysaj jep një kros të gjatë për Sadikun që kontrollon topin mes dy mbrojtësve, por nuk arrinë të gjejë kuadradin e portës.
46´ Topin e parë e nisin futbollistët e Zvicrës. De Biazi nis pjesën e dytë pa zëvendësime, duke zbritur Kukelin në mbrojtje.
Mbyllet pjesa e parë
45´ Vetëm një minutë shtesë nga gjyqtari i katërt.
45´ Xhaka ekzekuton një goditje këndi, top i fortë në zonë, por pret portieri zviceran.
36´ Cana ndëshkohet me kartonin e dytë të verdhë për prekje të topit me dorë pranë zonës së rreptësis, lë kuqezinjtë me 10 lojtarë.
33´ Tjetër mundësi për futbollistët e Kombëtares. Roshi nis një aksion nga krahu i djathtë, kroson në zonë, por pret portieri i Zvicrës.
31´ Rast shumë i mirë për kuqezinjtë. Sadiku kontrollon një top të dhënë nga krahu i djathtë, gjuan ballë për ballë me portierin, por topi devijohet.
28´ Kuqezinjtë fitojnë një tjetër goditje nga këndi, topi në qendër, devijohet nga Shar në rivënie anësore.
27´ Aksion i rrezikshëm për kuqezinjtë, Xhaka pason për Roshin, ky ai jep topin Sadikut, gjyan por jashtë kuadradit.
23´ Cana ndëshkohet për një faull në mesfushë, ndërhyrje e parregullt sipas arbitrit ndaj Xhemailit.
22´ Shqipëria fiton goditjen e parë nga këndi. Lenjani pranë topit, kroson një top në qendër të zonës, largon Xhaka. Topi përfundon te Kukeli, ky për Hysajn, kuqezinjtë fitojnë një rivënie anësore.
19´ Lenjani nis një aksion nga krahu i majtë, pason për Abrashin, topi pasohet për Agolin, por Shaqiri shkakton faull.
15´ Xhaka ekzekuton goditjen e dënimit, kroson një top të fortë në zonë, pret portieri i Zvicrës.
14´ Lenjani fiton një goditje dënimi pranë zonës zvicerane. Shar ndëshkohet me karton të verdhë.
10´ Futbollistët e Zvicrës kontrollojnë topin në mesfushë. Kuqezinjtë shfaqen disi të tërhequr edhe pas pësimit të golit të parë.
05´ Gol! Zvicra kalon në avantazh. Një dalje e gabuar e Berishës në zonë çon kundërshtarët në avantazh.
02´ Zvicra shfaqet më e rrezikshme në minutat e para. Helvetët fitojnë një goditje nga këndi. Topi krosohet në zonë, largon Roshi.
01´ Topin e parë e luajnë kuqezinjtë.
Formacionet zyrtare:
Shqipëria: Berisha, Hysaj, Cana, Mavraj, Kukeli, Abrashi, Agolli, Lenjani, Xhaka, Roshi, Sadiku.
Trajner: De Biazi
Formacioni i Zvicrës: Somer, lishtajner, Seferoviç, Xhaka, Brahimi, Rodrigez, Dezmaili, Mehmedi, Djourou, Schar, Shaqiri.
Trajner: Petkoviç
