Shqipëria shkruan histori futbolli në finalet e një turneu Europian. Kuqezinjtë fituan me rezultatin 0-1 ndaj Rumanisë në ndeshjen e fundit të vlefshme për Grupin A.
Goli që i dha tri pikët Shqipërisë u shënua nga Armando Sadiku në pjesën e parë. Tashmë Kombëtarja ngjitet në vendin e tretë në grup me 3 pikë, vend i cili mban gjallë shpresat për t'u kualifikuar për në turin e 1/8-ave.
Pjesa e parë mes Rumanisë dhe Shqipërisë përfundoi me rezultatin 0-1 në "Stade de Lyon" të Francës.
Kuqezinjtë kaluan në avantazh me anë të Armando Sadikut në minutën 43´ të ndeshjes. Pas një krosini nga e djathta, topi përfundoi në shtyllën e dytë për Sadikun.
Ky i fundit nuk e pati të vështirë të kalonte topin mbi portierin kundërshtare duke ngritur kuqezinjtë në festë.
Fillimisht, rumunët u treguan më kërcënuës ndaj portës në minutat e para, por gjysma e pjesës së dytë u dominua nga kuqezinjtë.
Një rast tjetër për gol për Kombëtare ishte në minutën e 23´. Lila pasoi një top në zonë për Lenjanin, por ky i fundit nuk mundi të gjente kuadratin fare pranë portës rumune.
Kuqezinjtë e De Biazit kanë humbur dy ndeshjet e para me Zvicrën e Francën dhe përballja me rumunët e Jordaneskut është shpresa e fundit për kalimin në 1/8-at.
Pak minuta para fillimit të ndeshjes u publikuan edhe formacionet zytare. Edhe pse kapiteni Lorik Cana mund të luajë pas kartonit të kuq që mori ndaj Zvicrës, trajneri De Biazi ka preferuar që ai të mos jetë në formacionin e parë.
Rezultati final:
Rumani - Shqipëri 0 - 1
Gol: Sadiku 43´
MINUTAT:
90+5´ Abrashi fiton një tjetër goditje nga këndi, por nuk ka kohë, Shqipëria fiton 0-1 me golin e Armado Sadikut.
90+4´ Hysaj merr karton të verdhë për vonesë loje.
90+3´ Memushaj ekzekuton një goditje nga këndi, Cana me kokë, por pret portieri rumun.
91´ Pesë minuta shtesë nga gjyqtari i katërt. Memushaj fiton një tjetër goditje gna këndi.
90´ Memushaj ndëshkohet me karton të verdhe.
89´ Abrashi niset në krah, pason për Roshin që kroson drejt zonës, por pret portieri rumun.
88´ Kroson Memushaj, Lila gjuan me kokë, por jashtë kuadradit.
87´ Lila fiton një tjetër goditje nga këndi.
85´ Rumunët ekzekutojnë një goditje dënimi nga 23 metra distancë. Gjuan Torzhe, por topi përplaset në mur. Kuqezinjtë nisen në kundërshum. Roshi merr një goditje nga këndi.
83´ De Biazi kryen zëvendësimin e tretë. Basha ia lë vendin Lorik Canës që vendoset në pozicionin e shkatërruesit para mbrojtës.
80´ Memushaj jep një top të gjëtë për Balajn, ky pason për Roshin që bllokohet nga futbollistët rumun. Rivënie anësore për kuqezinjtë nga krahu i majtë.
77´ Zëvendësi i dytë për Kombëtaren. Lenjani i lë vendin Roshit.
76´ Shpëtojnë për mrekulli kuqezinjtë. Andon godet në zonë, topi prek traversën.
74´ Kuqezinjtë nisen në aksion, topi për Balajn, por kapet në pozicion jashtë loje.
72´ Rrezikojnë rumunët që futen në zonën e kuqezinjve, por anësori sinjalizon pozicion jashtë loje.
71´ Hysaj kryen një rivënie anësore, topi pasohet për Memushajn që gjuan, por jashtë.
70´ Rrezikojnë rumunët. Torzhe gjuan nga jashtë zonës, larg kuadradit të Berishës.
66´ Rumunët fitojnë një goditje dënimi në gjysmëfushën e Kombëtares. Ndërhyrje e gabuar e Bashës.
64´ Rrezikon Balaj. Një top i gjatë i krosuar në zonën rumune ndalet nga Balaj, por argojnë futbollistët kundërshtarë.
63´ Tjetër rast i rrezikshëm për kuqezinjtë. Memushaj gjuan pranë zonës, portieri rumun ndal në dy kohë.
60´ Aksion i rrezikshëm për Rumaninë, topi krosohet në zonë, Abrashi largon me kokë në goditje nga këndi.
58´ Zëvendësimi i parë për Kombëtaren. De Biazi nxjerr autorin e golit Armando Sadikun dhe në vend të tij fut Bekim Balajn.
55´ Zëvendësim i dytë për Rumaninë. Futet Torzhe, del Alibeç.
54´ Abrashi fiton një goditje dënimi. Ndëshkohet Maten për ndërhyrje të gabuar ndaj tij.
50´ Tjetër rast i rrezikshëm për futbollistët e Kombëtares. Sadiku merr një top pranë zonës, por largojnë mbrojtësit rumun.
46´ Pjesa e dytë nis pa ndryshime për kuqezinjtë. Ndërsa Jordanesku zëvendëson Perpelitën me Sanmarten.
45´ Mbyllet pjesa e parë.
42´ Gooooooooooooooooooooo! Shënon Armando Sadiku! Memushaj jep një krosim nga e djathta në shtyllën e dytë, Sadiku gjuan me kokë duke shënuar golin e parë të kuqezinjve në këtë europian.
41´ Hysaj rrëmben një top në mesfushë, nis një aksion nga e djathta duke pasur për Memushajn, por ky i fundit nuk e kontrollon topin si duhet.
39´ Rumania fiton një goditje nga këndi. Topi krosohet në zonë, por largojnë kuqezinjtë.
38´ Sadiku merr një top në qendër të zonës, por anësori sinjalizon pozicion jashtë loje. Topin e nisin rumunët.
35´ Tjetër rast i rrezikshëm për futbollistët e Kombëtares, Memushaj gjuan drejt portës, por topi devijohet në goditje nga këndi.
33´ Hysaj nis një aksion nga krahu i djathtë, futet në zonë, pason për Lenjanin, por ky i fundit humbet topin.
32´ Agolli luan një rivënie anësore nga krahu i majtë. Top për Sadikun, por lagojnë futbollistët rumun.
29´ Futbollistët e Kombëtares kontrollojnë topin në qendër të fushtës.
23´ Një aksion i gjatë i nisur nga krahu i djathtë nga Lila që pason pranë zonës për Lenjanin, por ky i fundit nuk gjen kuadratin fare pranë portës.
20´ Abrashi nis një aksion në qendër, pason për Bashën që godet drejt portës, por gjuajtja e tij pritet lehtësisht nga portieri kundërshtar.
17´ Rrezikon mbrojtja e Kombëtares, një top i devijuar drejt portës detyron Berishën të dalë jashtë zonës së tij për të larguar në rivënie anësore.
15´ Memushaj niset në krahun e djathtë, Hysaj provon gjuajtjen nga distanca, topi devijohet nga futbollistët rumun.
12´ Sadiku merr një top nga krahu i majtë, niset drejt portës, por anësori sinjalizon për një pozicion jashtë loje.
07´ Tjetër rast i rrezikshëm për rumunët. Stanku provon nga një gjuatje qëndrore, ndal Berisha.
06´ Migjen Basha ndëkshkohet me karton të verdhë për ngritje takash ndaj Hoban në mesfushë.
05´ Rrezikojnë rumunët. Një gjuajtje nga jashtë zonës pritet në dy kohë nga Berisha.
03´ Stançiu provon nga distanca, gjuajtja e tij përfundon larg kuadradit të mbrojtur nga Berisha.
01´ Topin e parë e nisin futbollistët e Rumanisë.
Rumani - Shqipëri (Ora 21:00)
Formacionet zyrtare:
Rumania (4-2-3-1): Tatarushanu, Matel, Grigore, Çiricces, Hoban, Prepelita, Stanciu, Alibeç,Popa, Sapunaro, Stanku.
Trajner: Jordanesku
Shqipëria (4-3-3): Berisha, Agolli, Hysaj, Mavraj, Ajeti, Abrashi, Lenjani, Lila, Memushaj, Basha, Sadiku
Trajner: De Biazi
Rasti i humbur nga Lenjani:
