UPDATE/ Kuqezinjtë e De Biazit fituan miqësoren e parë ndaj Katarit. Ndeshja e luajtur pasditen e së dielës në Hartberg të Austrisë përfundoi me rezultatin 3-1 për Kombëtaren shqiptare.
Fillimisht, ekipi i Katarit befasoi Shqipërinë kur kaloi në avantazh në minutën e dytë të pjesës së parë. Goli i ralizuar nga Fadlalla në minutën e 02´ kapi në befasi mbrojtjen pas një topi të krosuar nga goditja e dënimit.
Por pas pësimit të golit, futbollistët e kombëtares rritën presionin e lojës duke barazuar me anë të Ajetit në minutën e 23´, ndërsa Lenjani përmbysi shifrat në 2-1 pesë minuta para se ekipet të shkonin në dhomat e zhveshjes.
Goli i tretë për Kombëtaren u shënua nga Armando Sadiku. Ky i fundit hyri si zëvendësues në pjesën e dytë. Pas një kontrolli të topit jashtë zonës së ekipit kundërshtar, Sadiku gjuajti fort me të djathtën duke realizuar një supergol.
Pas miqësores me modestët e Katarit, kuqezinjtë do të përgatiten për takimin e dytë miqësor që do të luajnë ndaj Ukrahinës më datë 3 maj, në Itali.
Ndeshjet miqësore luhen në kuadër të fazës përgatitore para finaleve të Europianit "Francë 2016" që do të nisë pas pak ditësh.
Goli i Armando Sadikut:
Rezultati final:
Shqipër - Katar 3 - 1
Gol: Ajeti 23´, Lenjani 40´, Sadiku 64'/ Abdulkarim Hasan Fadlalla 02´
Minutat:
90´ Nuk ka minuta shtesë, mbyllet koha e rregullt e pjesës së dytë.
85´ Tjetër aksion sulmuesi i futbollistëve të Katarit. Kitana niset nga e djatha, godet, por jashtë kuadradit.
79´ Rashica niset me shpejtësi në krahun e djathtë, ndërhyjnë futbollistët e Katarit që e largojnë topin jashtë vijave kufizuese.
77´ Musali provon me një gjuajtje nga jashtë zonës së rreptësisë, jashtë kuadratid të Berishës.
74´ Cana shkakton një faull jashtë zonës. Mundësi për futbollistët e Katarit që afrohen në gjysmëfushën e Shqipërisë. Gjuajnë futbollistët e Katarit, por jashtë kuadratid të Berishës.
71´ Kuqezinjtë kontrollojnë topin në mesfushë, luajnë disi më të tërhequr pas shënimit të golit të tretë.
64´ Goooooool! Supergol i Sadikut! Një goditje e fortë jashtë zonës me të djathtën përfundon në krahun e djathtë të portës së portierit të Katarit.
63´ Futbollistët e Katarit nisin një aksion sulmues, Ayif futet në zonë, godet, por pret Berisha.
61´ Ndërrim te kuqezinjtë. Largohet Migjen Basha, në vend të tij futet kapiteni Lorik Cana.
58´ Junior ndëshkohet me karton të verdhë pas ndërhyerjes së gabuar ndaj Xhakës.
51´ Goditje dënimi për futbollistët e Katarit. Një goditje e fortë në zonë, por pret Etrit Berisha.
47´ Lilaj futet në zonë, fiton një goditje nga këndi. Kuqezinjtë e nisin në sulm edhe 45´ minutat e dyta të miqësores. Kros në zonë, Basha harkon për Sadikun, godet me kokë, por pret portieri i Katarit.
(Tri zëvendësime për kuqezinjtë. Balaj në vend të Cikalleshit, Sadiku në vendin e Gashit dhe Rashica në vendin e Lenjanit).
45´ Mbyllet pjesa e parë
40´ Gooool! Shënon Lenjani! Një kros i dhënë në zonë kontrollohet nga Lenjani që kontrollon topin, rrotullohet dhe shënon me të majtën.
37´ Karton i dytë i verdhë për futbollistët e Katarit. Elsajet kryen një ndërhyrje të gabuar ndaj Cikalleshit.
36´ Kuqezinjtë rrisin presionin e lojës duke e mbajtur topin në gjysmëfushën e Katarit. Fitojnë një tjetër goditje nga këndi. Top i lartë në zonë, por grushton portieri.
34´ Gashi niset në sulm, pason për Lenjanin që fiton një tjetër goditje nga këndi. Topi kroshet te Lila, gjuan drejt portës, por topi devijohet në një tjetër goditje nga këndi. E gjashta për kuqezinjtë.
32´ Futbollistët e Katarit fitojnë një goditje nga këndi, topi largohet nga Lila. Futbollistët e Katarit insistojnë dhe nisin një tjetër aksion sulmues, fitojnë një goditje tjetër nga këndi.
27´ Lenjani paso një top për Gashin në qendër të zonës, gjuan sulmuesi, por topi ndalet nga këmbët e mbrojtësve të Katarit.
23´ Gooool! Kuqezinjtë ftojnë goditjen e katërt nga këndi. Kroson Basha për Ajetin, gjuan dhe gooooool!
22´ Lenjani ndëshkohet me karton të verdhë për simulim në zonën e rreptësisë së Katarit.
19´ Gashi ekzekuton goditjen nga këndi, topi përfundon te Lenjani i cili godet me të majtën e tij jashtë kuadratid.
18´ Hysaj kryen një rivënie anësorë, kuqezinjtë qarkullojnë topin në mesfushë. Cikalleshi niset në krahun e majtë, kroson në zonë, goditje këndi.
12´ Roshi fiton një goditjë dënimi në mesfushë, faull nga autori i golit. Topi kthehet pas tek portieri Etrit Berisha.
09´ Futbollistët e Kombëtares luajnë në gjysmëfushën e Katarit, fitojnë një rivëni anësore. Topi krosohet në zonë por pret portieri i Katarit.
07´ Roshi nis një aksion në krahun e djathtë, por mbllokohet nga futbollistët kundërshtar.
02´ Goool! Fadlalla shënon pas një krosimi në goditje dënimi.
01´ Topin e parë e luajnë kuqezinjtë.
Formacioni i Kombëtares:
Shqipëria 4-2-3-1: Berisha, Hysaj, Ajeti, Mavraj, Aliji, Basha, Lila, Lenjani, Gashi, Roshi, Cikalleshi.
Trajner: De Biazi.
Formacioni i Katarit
