Mario Baloteli kishte shpresuar që të konfirmohej te Liverpuli, i cili ka në pronësi kartonin e lojtarit deri në vitin e ardhshëm (2017), por duke parë faktin se trajneri Jyrgen Klop vendosi për të lënë jashtë italianin për miqësoren e djeshme me skuadrën e Tranmeres, ky është një sinjal i qartë se "Super-Mario" bën mirë që të gjejë një tjetër skuadër për sezonin e ardhshëm.
Aventura e tij tek të kuqtë, me të cilët ka një kontratë prej 90 mijë sterlinash në javë, është një çështje që duket zgjidhur, sepse burime pranë Liverpulit nënvizojnë se ata janë gati t'ia paguajnë kesh të gjitha paratë që atij i përkasin deri më 30 qershor 2017, vetëm që sulmuesi të mos jetë pjesë e ekipit, përndryshe do të shijojë një sezon të plotë në tribunë.
