iOS 9 është sistemi i ri operativ, i cili mendohet se do të kursejë më shumë baterinë dhe do të ketë përmirësime te asistenti digjital. Apple njofton se sistemi iOS 9 ka për qëllim të zgjerojë inteligjencën dhe performancën e telefonit.
Drejtori i degës për sisteme operative të Apple-it, Craig Federihi, ka thënë se “Siri është bërë shumë i famshëm”. Ai do ta mësojë shpejt shijen tuaj muzikore dhe do t’ju rekomandojë këngë që i përshtaten shijes. Ai do të mësojë kalendarin tuaj dhe do t’ju informojë kur ju duhet të bëni diçka.
Kur përdoruesit duan të kërkojnë për diçka në pajisjet e tyre, Siri do t’ju sugjerojë për njerëz, kontakte apo aplikacione.
