Gratë deputete të Kuvendit janë ftuar zyrtarisht nga Parlamenti i Shqipërisë që të mbajnë një seancë plenare solemne, të përbashkët, në Ditën e festës së gruas-8 Marsi. Por Kryesia ua ka refuzuar sigurimin e transportit, shkruan sot “Koha Ditore”.
Kjo përgjigje ka revoltuar gratë deputete, të të gjitha partive politike, deri në atë masë saqë ato kanë bërë thirrje që “burrat” të dënohen përmes votës gjatë zgjedhjeve.
Ndërsa kanë shkëmbyer edhe akuza për keqpërdorimin e automjeteve zyrtare nga “burrat” e Kuvendit.
