Skënderbeu ka konfirmuar mbrëmjen e së martës largimin e trajnerit Mirel Josa. Në një njoftim të shkurtër të publikuar në faqen zyrtare të klubit në internet, thuhet se pas katër sezonesh të suksesshme, trajneri largohet nga kampionët e Shqipërisë.
"Jemi të sigurte që marrëdhënia do jetë po e njëjtë edhe pas kësaj ndarje pasi Josa do të mbetet përgjithmonë pjesë e historisë së një klubi I cili theu rekorde kombëtare dhe më gjerë.
Faleminderit trajneri Josa, ish futbollistë, pjestarë të stafit, lojtarë, drejtues dhe tifozë të urojnë suksese në karrierën tënde!",-njofton klubi i Skënderbeut në "Facebook".
Ndërkaq, këtë pasdite bardhekuqtë kanë lidhur zyrtarisht kontratën për dy vitet e ardhshme edhe me japonezin Masato Fukuin.
Por lëvizjet te Skënderbeu nuk mbarojnë me kaq. Pas largimit të Josës në krye të stolit pritet të ulet ish-trajneri i Partizanit, Andrea Agostineli. Trajneri italian është parë këtë të martë në stërvitje me ekipin, bashkë me japonezin Fukui.
