UPDATE/ Kampionët e Europës në fuqi debutojnë me fitore në "Francë 2016". Spanja mposhti çekët me rezultatin minimal 1-0 në minutat e fundit të ndeshjes.
Kur dukej se takimi do të përfundonte me rezultatin e bardhe 0-0, një krosim në zonë nga e majta për Pike u devijua me kokë duke kaluar spanjollët në avantazh në minutën e 87´.
Me këtë fitore Spanja ngjitet në krye të Grupit D bashkë me Kroacinë, e cila fitoi 0-1 një ditë më parë ndaj Turqisë.
Spanjollët patën një rast të mirë për shënimin e golit në fillim të pjesës së dytë, kur Morata goditi shtyllën.
Pjesa e parë
Spanja nuk ka arritur të çajë mbrojtjen e ngjeshur të Republikës Çeke gjatë pjesës së parë të takimit mes dy skuadrave të Grupit D të Euro 2016 në Tuluzë.
Morata ishte rreziku kryesor për portën çeke, por nuk arriti të dërgonte topin në rrjetë ndonëse kishte disa mundësi të mira shënimi.
