Krijimet artistike të të rinjve, frymëzuar nga dashuria, paqja, jeta, janë subjekt i një ekspozite që do të çelet të premten, ora 18:00 në Muzeun Historik Kombëtar. E titulluar “1 + 1: Jetë dhe Dashuri", kjo ekspozitë sjell së bashku njëmbëdhjetë muze nga gjashtë vende të Ballkanit, iniciuar nga fondacioni suedez “Trashëgimi kulturore pa kufij”. Ideja e një ekspozite me një tematikë të përbashkët ka lindur tre vjet më parë, kur punonjës të këtyre muzeve, duke u mbështetur në frymën e bashkëpunimit dhe pajtimit, vendosën të punojnë së bashku. Me këtë ekspozitë është mundësuar komunikimi përmes lidhjes në internet e 11 ekspozitave në 11 muze të kryeqyteteve dhe qyteteve kryesore ballkanike.
“Ne kemi punuar me artistë të rinj për të gjetur mënyra të reja për të shprehur një ndjenjë që është e vjetër sa njerëzimi. Ekspozita jonë është fokusuar tek punimet artistike të të rinjve dhe më pas për t’i nxitur njerëzit që të shprehin dhe shkruajnë ndjenjat e tyre të sotme”, - thotë Sali Kadria, një prej kuratorëve të ekspozitës, i cili së bashku me Enver Kushin, Fatmir Boshnjakun dhe Entela Kasemin janë kujdesur për organizimin e kësaj ekspozite. Në të njëjtin kuadër, kjo ekspozitë do të takojë më 26 mars në Muzeun Kombëtar, një grup specialistësh të 11 muzeve nga 6 vende të Ballkanit si dhe specialistë të muzeve dhe përfaqësues të medias nga Suedia.
“Ne kemi punuar me artistë të rinj për të gjetur mënyra të reja për të shprehur një ndjenjë që është e vjetër sa njerëzimi. Ekspozita jonë është fokusuar tek punimet artistike të të rinjve dhe më pas për t’i nxitur njerëzit që të shprehin dhe shkruajnë ndjenjat e tyre të sotme”, - thotë Sali Kadria, një prej kuratorëve të ekspozitës, i cili së bashku me Enver Kushin, Fatmir Boshnjakun dhe Entela Kasemin janë kujdesur për organizimin e kësaj ekspozite. Në të njëjtin kuadër, kjo ekspozitë do të takojë më 26 mars në Muzeun Kombëtar, një grup specialistësh të 11 muzeve nga 6 vende të Ballkanit si dhe specialistë të muzeve dhe përfaqësues të medias nga Suedia.
