Terrorizmi ne pranga shqiptari me foto me kallash debohet 1 kosovar

Një shtetas shqiptar është arrestuar si i dyshuar për terrorizëm. 30-vjeçari shqiptar u vu në pranga në aeroportin në Catania, për posedim të dokumenteve të falsifikuara. Por duket se shtetasi shqiptar ka qenë në vëzhgim prej kohësh të policisë italiane. Ai ishte denoncuar edhe më 13 janar në Malpensa për të njëjtën arsye, për posedim të dokumenteve të rreme, me të cilat donte të udhëtonte për në Londër.

Ajo që ka rritur dyshimet, ishte gjetja e disa fotove me kallashnikov, gjatë kontrollit të ushtruar në aeroport. Shqiptarit iu gjet një kartë memorie (USB), në të cilën kishte të ruajtura disa foto të tij me një person tjetër, duke mbajtur kallashnikovë. Karta e memories u gjet nga policia kufitare. Aty kishte edhe fotografi të dokumenteve të falsifikuara të kombësive të ndryshme.

Dëbohet kosovari nga Italia, donte të bëhej pjesë e ISIS

Arrestimi vjen pas lajmit të medieve italiane, se në këtë shtet ndodhet një celulë terroriste që po mbahet nën vëzhgim nga autoritetet. Vetëm tre ditë më parë më 19 janar, Italia dëboi një 22-vjeçar nga Kosova, si të dyshuar për terrorizëm. Resim Kastrati, me pseudonim Obeidullah, ministri i Brendshëm Angelino Alfano, nënshkroi dekretin e dëbimit.

Ai jetonte në Cremona dhe sipas raporteve kishte kërcënuar në rrjetet sociale për masakrën e “Charlie Hebdo”, duke thënë se është i gatshëm për akte ekstreme për të mbrojtur figurën e Muhamedit. Kastrati ishte i gatshëm të ndërmerrte një udhëtim për në Siri, për t;u bashkuar me ISIS.