Teuta dhe Kukësi kanë barazuar 0-0 në ndeshjen e luajtur në "Niko Dovana" të Durrësit dhe e vlefshme për javën e 30 të Superiores.
Një ndeshje e luftuar dhe plot raste, por në fund rrjetat kanë mbetur të paprekura dhe ekipet kanë ndarë nga një pikë.
Teuta ishtë më kërkuese në pjesën e parë dhe ka pasur disa mundësi të mira shënimi me Xhonatan dhe Magani, por nuk i ka shfrytëzuar si duhet.
Në pjesën e dytë, Kukësi rikuperon disi terren dhe shtyn përpara, por sërish nuk është kërcënues sa duhet. Mbyllet gjithçka 0-0 dhe të dyja ekipet mbeten në vendet që ishin në tabelën e klasifikimit.
Kukësi mban vendin e tretë me 52 pikë, e ndjekur nga Teuta me 49. Ndërkaq, mbrapa tyre vjen Tirana me 47, por që ka një ndeshje më pak.
