Një aksident ka ndodhur sot në Tiranë, ku një autobus ka përplasur një kalimtar. Ngjarja ndodhi në kryqëzimin e “21 dhjetorit”. Mësohet se kalimtari, identiteti i të cilit nuk bëhet i ditur, po kalonte në anën tjetër të rrugës, në momentin kur një autobus i linjës “Kombinat-Kinostudio” e ka përplasur.
Kalimtari është dërguar në spital nga kalimtarë të rastit, nga ku mësohet se është jashtë rrezikut për jetën
Ndërkohë policia ka ndaluar drejtuesin e autobusit, i cili pritet të merret në pyetje për të mësuar më tepër rreth ngjarjes. Paraprakisht policia dyshon se mund të ketë qenë faji i kalimtarit, i cili mund të jetë futur për të kaluar rrugën ndërkohë që semafori ka qenë me të kuq.
