Ish-futbollisti i Interit, Samuel Eto është sërish në telashe me drejtësinë. Këtë herë nuk është Ana Baranca, e cila i ka kërkuar të njohë atësinë e vajzës së saj, por një tjetër ish-i i tij që pretendon se ka një fëmijë me sulmuesin.
Sipas mediave italiane, gruaja është me origjinë spanjolle dhe ka pasur një lidhje të shkurtër me sulmuesin nga Kameruni.
Gruaja pretendon se vajza e saj tashmë është 16-vjeçe dhe disa herë ka tentuar ta takojë nga afër Etonë, por ky i fundit e ka shmangur duke mohuar gjithçka.
Avokatët e gruas që ka denoncuar Etonë kanë thënë se sulmuesi duhet të paguajë 700 mijë euro për mosmarrjen e përgjegjësive gjatë këtyre viteve.
