Ajo është bijë e një familjeje çifute nga Nju-Jorku. Teksa përgatitej për muzikalin “Hairspray”, Marissa zbuloi se vuante nga kanceri cervikal dhe filloi të kurohej në mënyrë të fshehtë pa i treguar askujt për këtë gjë. Kishte frikë se do t’ia jepnin rolin e saj dikujt tjetër. Në fund ajo triumfoi në të dy frontet. I shpëtoi kancerit dhe shkëlqeu në rolin e saj për të cilin në vitin 2003 u vlerësua edhe me çmim. Marissa ka luajtur disa role nw filmat “American Beauty”, “Never been kissed”, “Teaching mrs. Tingle”, “Scary Movie” etj. Shqiptari me origjinë nga Kosova, Toni Dovolani, është figura kryesore te “Vallëzim me yjet”. Në këtë garë të veçantë vallëzimi, e cila vetëm në një mbrëmje sezonin e kaluar ka pasur 12 milionë teleshikues, kërcimet kryesore janë: Cha Cha - Foxtrot - Jive - Paso Doble - Quickstep - Rumba - Samba - Tango -Viennese Waltz - Waltz, Vallëzim latin, Tango tradicionale sallonesh, Vallëzim rutine, Vallëzim popullor. “Vallëzim me yjet është një serial tepër i ndjekur në SHBA dhe shumë origjinal në llojin e vet ku çiftet garuese përbëhen nga një balerin profesionist dhe një person tjetër i famshëm.
Dritan Dovolani ka lindur më 17 korrik 1973 në Kosovë. Ai është diplomuar më pas si kërcimtar profesionist në Amerikë ku jeton dhe sot e kësaj dite në shtetin e Nju Jorkut së bashku me bashkëshorten dhe vajzën e tij. Ai është një higjienist i betuar dhe nuk pi as alkool, as duhan. Kur ishte 14 vjeç, familja e Tonit emigroi nga Kosova në SHBA, ku atij iu dha më pas mundësia për të studiuar në akademinë e vallëzimit “Fred Astaire”.
Qysh atëherë, familja e Tonit u vendos në një nga lagjet më të populluara me shqiptarë, siç është Konektikat. Mund të thuhet se edhe sot Toni mban lidhje shumë të mira me komunitetin shqiptar. Për herë të parë Toni ka kërcyer valle popullore që në moshën 3-vjeçare, për t’iu përkushtuar më tej vallëzimit profesionist me standardet e larta ku gjendet sot. Dovolani ka pasur edhe rolin e mësuesit të aktores dhe këngëtares Xhenifer Lopez, gjë që e ka shtuar edhe më tepër famën e tij. Ai ka fituar mjaft kampionate vallwzimi amerikane, por edhe botërore, duke rrëmbyer çmimet e para dhe është kampioni në fuqi i kampionatit të vallëzimit në Shtetet e Bashkuara të Amerikës.
Marre nga : Gazata Albania
