Trimat e Hollywood-it

Këta janë disa nga aktorët hollivudianë të cilët e meritojnë pagën milionadollarëshe që marrin. Aktorë si Matt Damon apo Christian Bale nuk kanë aspak frikë të xhirojnë skenat më të rrezikshme të filmave, pa ndihmën e dublantëve.

Angelina Jolie - Njihet si gruaja e patrembur për shkak se në filma si ‘Tomb Raider’ dhe ‘Mr & Mrs Smith’ është hedhur nga makina në lëvizje dhe ka ndenjur e varur në majën e një pallati.

Jackie Chan - Aktori gjithmonë ka refuzuar përdorimin e dublantëve në skenat e luftimit.

Keanu Reeves - Gjatë xhirimeve të filmit ‘Speed’, Reeves ka xhiruar skenën kur hidhet nga makina për tek autobusi, kur mjetet janë në lëvizje.

Matt Damon - Gjatë xhirimeve të trilogjisë ‘Bourne’, Damon ka xhiruar skenat e përleshjeve, është hedhur në ujë nga një urë dhe ka qenë fizikisht në makinë në çdo skenë që parashikonte një aksident.

Christian Bale - Për filmin e fundit të Batman në vitin 2006, Bale ka treguar guximin e tij duke u ndeshur me një gjarpër të vërtetë dhe duke u varur nga një helikopter.