Mbështetja e jashtëzakonshme e tifozëve shqiptarë ndaj kuqezinjve në stadium vazhdon të çuditë këdo. Vlerësimeve për atmosferën e mrekullueshme që kanë krijuar u janë shtuar edhe ato të UEFA-s, e cila nëpërmjet faqes së saj zyrtare në Facebook ka shpërndarë një tjetër mesazh për tifozët kuqezi duke postuar edhe fotot e disa prej tyre në stadium. "Kombëtarja Shqiptare e Futbolli u mbështet përsëri nga një numër i madh ndjekësish pasionantë", shkruhej në mesazhin e UEFA-s në rrjetet sociale.
