Tarifa më të larta dhe një skemë krejt tjetër për mënyrën se si studentët paguajnë shkollën e lartë. Reforma e re financiare në universitete pritet të marrë formën e saj përfundimtare brenda muajit tetor. Drafti, i hartuar nga Ministria e Arsimit, është shpërndarë në universitete dhe do të diskutohet në tryezë me të gjithë grupet e interesit. I pyetur dje nga mediat, ministri i Arsimit, Myqerem Tafaj, ka lënë të kuptohet se tarifat në shkollat e larta publike do të shkojnë paralel me tregun. Por, sipas tij, studentëve do t’u krijohen lehtësira në marrjen e kredive. Ata mund të bëjnë shlyerjen e tyre pasi të kenë përfunduar shkollën e lartë.
“Duhet të merrni anën tjetër të problemit. Asnjë student nuk do detyrohet të financojë nga kursimet e familjes, por do të ketë një institucion që do t’u japë kredi gjithë studentëve për financimin”, tha Tafaj. Sipas tij, dokumenti përfundimtar politik është studiuar në të gjitha departamentet dhe fakultetet e universiteteve. “Kanë filluar të vijnë komentet. Ne së shpejti do të kemi një konferencë me të gjitha universitetet për ta shpallur të gjithë paketën e reformës financiare, e cila po shkon drejt përfundimit”, u shpreh ministri. Këto deklarata ai i bëri gjatë diplomimit të studiuesve të rinj në fushën e letërsisë, historisë, gjuhës, pranë Qendrës së Studimeve Albanologjike. Në një ceremoni të veçantë të organizuar enkas, u ndanë rreth 50 diploma për akademikë të njohur, por edhe për të rinj që për rreth një vit kanë zhvilluar kërkime e kanë përgatitur teza diplome në fusha nga më të ndryshmet. Pesë diplomat më të mira, në letërsi, gjuhë, muzikë, histori, arkeologji, janë dorëzuar nga ministri i Arsimit, Myqerem Tafaj, i cili ka premtuar fonde në rritje për kërkimin shkencor. Të pranishmit i ka përshëndetur drejtori i Qendrës së Studimeve Albanologjike, i cili ka premtuar edhe më shumë projekte në mbështetje të studiuesve të rinj.
“Për herë të parë këtë vit është bërë e mundur që Qendra e Studimeve Albanologjike të financojë ajo vetë kërkimin shkencor të instituteve dhe bashkëpunëtorëve të vet, nëpërmjet fondit për kërkim shkencor dhe ekselencë, të akorduar nga MASH. Janë 7 milionë skeda të leksikut, dialektologjisë dhe të gramatikës, të cilat do të vihen brenda dy vjetësh në shërbim të leksikologëve dhe studiuesve të shqipes”, tha Ardian Marashi, drejtor i qendrës se studimeve albanologjike. Sa i përket reformës së re financiare, ajo do të nisë me universitetet publike, do të financojë drejtpërsëdrejti studentin, ndërsa privatët duhet të plotësojnë dy kushte: të jenë të akredituar dhe të mos i përdorin fondet në favor të tyre. Reforma përcakton edhe një mënyrë të re në mënyrën si do të përcaktohen kuotat e pranimit dhe hapësirat që do të kenë universitetet të përthithin studentë mbi këto kuota.
Berisha dhe Arvizu përurojnë Telemjekësinë
Përurohet Qendra e Telemjekësisë së Shqipërisë. Të pranishëm ishin dje, gjatë ceremonisë së hapjes, edhe Kryeministri i vendit, Sali Berisha e ambasadori i Shteteve të Bashkuara të Amerikës në Tiranë, Aleksandër Arvizu. Në shenjë simbolike, në përurimin e kësaj qendre u realizua lidhja e parë telemjekësore (nëpërmjet teleprezencës) me profesor Rifat Latifin, drejtor i Projektit, themelues dhe president i IVeH (International Virtual e-Hospital Foundation), i cili ndodhej me mision në Arizonë. Rrjeti i Programit të Integruar të Telemjekësisë dhe Shëndetit Elektronik në Shqipëri përbëhet nga Qendra e Telemjekësisë së Shqipërisë në QSUT në Tiranë dhe prej disa qendrave rajonale të telemjekësisë në spitalet rajonale të Kukësit, Shkodrës, Durrësit, Korçës, Vlorës, ku një pacient nga secili nga spitalet e lartpërmendura mund të konsultohet në distancë nga një mjek konsulent në QSUT. Gjithashtu, Qendra e përuruar ofron mundësinë që pacientët e QSUT-së, në Tiranë të mund të konsultohen nga mjekë të spitaleve ose qendrave mjekësore në vende të huaja. Shërbimet e para në QSUT kanë krijuar tashmë partneritete dhe telekonsulta me spitale dhe institute të njohura në Europë dhe SHBA.
“Duhet të merrni anën tjetër të problemit. Asnjë student nuk do detyrohet të financojë nga kursimet e familjes, por do të ketë një institucion që do t’u japë kredi gjithë studentëve për financimin”, tha Tafaj. Sipas tij, dokumenti përfundimtar politik është studiuar në të gjitha departamentet dhe fakultetet e universiteteve. “Kanë filluar të vijnë komentet. Ne së shpejti do të kemi një konferencë me të gjitha universitetet për ta shpallur të gjithë paketën e reformës financiare, e cila po shkon drejt përfundimit”, u shpreh ministri. Këto deklarata ai i bëri gjatë diplomimit të studiuesve të rinj në fushën e letërsisë, historisë, gjuhës, pranë Qendrës së Studimeve Albanologjike. Në një ceremoni të veçantë të organizuar enkas, u ndanë rreth 50 diploma për akademikë të njohur, por edhe për të rinj që për rreth një vit kanë zhvilluar kërkime e kanë përgatitur teza diplome në fusha nga më të ndryshmet. Pesë diplomat më të mira, në letërsi, gjuhë, muzikë, histori, arkeologji, janë dorëzuar nga ministri i Arsimit, Myqerem Tafaj, i cili ka premtuar fonde në rritje për kërkimin shkencor. Të pranishmit i ka përshëndetur drejtori i Qendrës së Studimeve Albanologjike, i cili ka premtuar edhe më shumë projekte në mbështetje të studiuesve të rinj.
“Për herë të parë këtë vit është bërë e mundur që Qendra e Studimeve Albanologjike të financojë ajo vetë kërkimin shkencor të instituteve dhe bashkëpunëtorëve të vet, nëpërmjet fondit për kërkim shkencor dhe ekselencë, të akorduar nga MASH. Janë 7 milionë skeda të leksikut, dialektologjisë dhe të gramatikës, të cilat do të vihen brenda dy vjetësh në shërbim të leksikologëve dhe studiuesve të shqipes”, tha Ardian Marashi, drejtor i qendrës se studimeve albanologjike. Sa i përket reformës së re financiare, ajo do të nisë me universitetet publike, do të financojë drejtpërsëdrejti studentin, ndërsa privatët duhet të plotësojnë dy kushte: të jenë të akredituar dhe të mos i përdorin fondet në favor të tyre. Reforma përcakton edhe një mënyrë të re në mënyrën si do të përcaktohen kuotat e pranimit dhe hapësirat që do të kenë universitetet të përthithin studentë mbi këto kuota.
Berisha dhe Arvizu përurojnë Telemjekësinë
Përurohet Qendra e Telemjekësisë së Shqipërisë. Të pranishëm ishin dje, gjatë ceremonisë së hapjes, edhe Kryeministri i vendit, Sali Berisha e ambasadori i Shteteve të Bashkuara të Amerikës në Tiranë, Aleksandër Arvizu. Në shenjë simbolike, në përurimin e kësaj qendre u realizua lidhja e parë telemjekësore (nëpërmjet teleprezencës) me profesor Rifat Latifin, drejtor i Projektit, themelues dhe president i IVeH (International Virtual e-Hospital Foundation), i cili ndodhej me mision në Arizonë. Rrjeti i Programit të Integruar të Telemjekësisë dhe Shëndetit Elektronik në Shqipëri përbëhet nga Qendra e Telemjekësisë së Shqipërisë në QSUT në Tiranë dhe prej disa qendrave rajonale të telemjekësisë në spitalet rajonale të Kukësit, Shkodrës, Durrësit, Korçës, Vlorës, ku një pacient nga secili nga spitalet e lartpërmendura mund të konsultohet në distancë nga një mjek konsulent në QSUT. Gjithashtu, Qendra e përuruar ofron mundësinë që pacientët e QSUT-së, në Tiranë të mund të konsultohen nga mjekë të spitaleve ose qendrave mjekësore në vende të huaja. Shërbimet e para në QSUT kanë krijuar tashmë partneritete dhe telekonsulta me spitale dhe institute të njohura në Europë dhe SHBA.
