Pas publikimit të listës së fituesve, Ministria e Arsimit u kërkon kandidatëve për studentë të zbatojnë afatet e regjistrimit. Në të kundërt, ata nuk mund ta marrin ligjërisht këtë status. Me anë të një deklarate për mediat, MASH sqaroi dje procedurat e regjistrimit. ”Njoftohen të gjithë fituesit për ciklin e parë të studimeve me kohë të plotë në universitetet publike, se regjistrimet në IALP-të ku janë shpallur fitues kryhen nga dita e hënë, datë 26-30 shtator 2011, nga ora 08:00-18:00, pranë sekretarive të çdo fakulteti”, bëri me dije zyra e shtypit në MASH. Sipas Ministrisë, maturantët e shpallur fitues për herë të parë në këtë fazë konkurrimi duhet të paraqesin pranë sekretarive mësimore të fakulteteve dosjen me dokumentet e kërkuara. ”Maturantët që në listën përfundimtare të publikuar dje në website e MASH-it nuk kanë lëvizur në preferencë më të lartë, mbeten të regjistruar në programin e studimit ku janë shpallur fitues në listën paraprake, pa pasur nevojën të riregjistrohen”, sqaroi MASH.
Sipas këtij dikasteri, maturantët që në listën përfundimtare janë ngjitur në një preferencë më të lartë, duhet të kryejnë tjetër procedurë. “Ata duhet të paraqiten në fakultetin ku kanë kryer regjistrimin paraprak për të tërhequr dokumentet dhe duhet të regjistrohen në fakultetin ku janë shpallur fitues në listën përfundimtare, në programin e studimit përkatës. Kjo kategori maturantësh nuk ka nevojë të kryejë pagesën e tarifës së regjistrimit”, thuhet në deklaratën për mediat. MASH theksoi gjithashtu se maturantët fitues në një preferencë më të lartë duhet detyrimisht të regjistrohen në preferencën fituese të shpallur në listën përfundimtare. Në të kundërt, humbasin të drejtën e studimit në IALP. Me listën përfundimtare të fituesve u plotësuan 3419 kuota në të 11 universitetet e vendit. Atyre u shtohen edhe 1354 vende, te cilat nuk janë zgjedhur nga maturantët gjatë plotësimit të formularit A2. Në total, shansi i dytë për të nisur një shkollë të lartë u jepet 4773 studentëve. Për kuotat e papreferuara do të shpërndahet formulari A3 brenda një kohe të shkurtër.
Dokumentet
• Diplomë e Maturës Shtetërore së bashku me listën e notave. Për maturantët që kanë përfunduar shkollën e mesme përpara vitit 2011, Dëftesë Pjekurie. Në mungesë të origjinalit, vërtetim me listë notash me fotografi, ose dokument me fotografi i lëshuar nga Arkivi i Shtetit me notat përkatëse të nënshkruara nga drejtori i shkollës dhe nga drejtori i Drejtorisë Arsimore Rajonale/Zyrës Arsimore).
• Dokument identifikimi (letërnjoftim ID, pasaportë) dhe fotokopje të tij. Në dosje mbahet vetëm fotokopja e dokumentit të identifikimit:
• 2 fotografi
• Mandat i arkëtuar i tarifës së regjistrimit në zyrat e Postës Shqiptare prej 1550 lekësh për llogari të universitetit ku është shpallur fitues.
Sipas këtij dikasteri, maturantët që në listën përfundimtare janë ngjitur në një preferencë më të lartë, duhet të kryejnë tjetër procedurë. “Ata duhet të paraqiten në fakultetin ku kanë kryer regjistrimin paraprak për të tërhequr dokumentet dhe duhet të regjistrohen në fakultetin ku janë shpallur fitues në listën përfundimtare, në programin e studimit përkatës. Kjo kategori maturantësh nuk ka nevojë të kryejë pagesën e tarifës së regjistrimit”, thuhet në deklaratën për mediat. MASH theksoi gjithashtu se maturantët fitues në një preferencë më të lartë duhet detyrimisht të regjistrohen në preferencën fituese të shpallur në listën përfundimtare. Në të kundërt, humbasin të drejtën e studimit në IALP. Me listën përfundimtare të fituesve u plotësuan 3419 kuota në të 11 universitetet e vendit. Atyre u shtohen edhe 1354 vende, te cilat nuk janë zgjedhur nga maturantët gjatë plotësimit të formularit A2. Në total, shansi i dytë për të nisur një shkollë të lartë u jepet 4773 studentëve. Për kuotat e papreferuara do të shpërndahet formulari A3 brenda një kohe të shkurtër.
Dokumentet
• Diplomë e Maturës Shtetërore së bashku me listën e notave. Për maturantët që kanë përfunduar shkollën e mesme përpara vitit 2011, Dëftesë Pjekurie. Në mungesë të origjinalit, vërtetim me listë notash me fotografi, ose dokument me fotografi i lëshuar nga Arkivi i Shtetit me notat përkatëse të nënshkruara nga drejtori i shkollës dhe nga drejtori i Drejtorisë Arsimore Rajonale/Zyrës Arsimore).
• Dokument identifikimi (letërnjoftim ID, pasaportë) dhe fotokopje të tij. Në dosje mbahet vetëm fotokopja e dokumentit të identifikimit:
• 2 fotografi
• Mandat i arkëtuar i tarifës së regjistrimit në zyrat e Postës Shqiptare prej 1550 lekësh për llogari të universitetit ku është shpallur fitues.
