Golden Steit fiton edhe Stefen Kurrin dhe e çon në dy serinë e fitoreve në raundin e parë të "play off"-it kundër Hujston Rokets. 
Uoriros, kampionët në fuqi të NBA-së, iu imponuan me rezultatin e përgjithshëm 115-106 në "Oracle Arena".
Në mungesë të Kurrit, i cili u detyrua të pushojë pas dëmtimit që pësoi në kyçin e këmbës së djathtë në takimin e parë, është Klei Tompson ai që merr përsipër të bëjë gjithçka për skuadrën me një performancë prej 34 pikësh, njëherësh barazon edhe rekordin e tij në karrierë në fazën e "play off"-it. ndërsa Dreimond Grin kontribuon me një dopietë dyshifrore, përkatësisht 12 pikë dhe 14 topa në tabelë. E shkëlqyer ka qenë edhe paraqitja e Andre Iguodala (18 pikë të shënuara prej tij). Nga radhët e skuadrës mike nuk janë të mjaftueshme 28 pikët dhe 11 asistet e Xhejms Harden dhe 12 pikët e 10 topat në tabelë të Duajt Hauard për të shmangur "nokautin" e dytë radhazi në "play off".
Tashmë Hjuston duhet të shfrytëzojnë faktorin fushë në ndeshjen e tretë e planifikuar për të enjten, për të mbajtur gjallë shpresat e pakta të tyre për të kaluar në turin e ardhshëm. Sërish në Konferencën e Perëndimit dhe ka ekuilibër në përballjen Oklahoma Siti-Dallas pas fitores së Maveriks në fushën e "Thunder" 85-84.
Reimond Felton ishte protagonisti i fitores me 21 pikë dhe 11 topa në tabelë. Oklahoma Siti pëson disfatë në një mbrëmje ku nuk shkëlqen ylli i saj Kevin Durant, autor i 21 pikëve. Bilanci më negativ në karrierë për të, 7 tentativa të sakta nga 33 në total. Në 1-1 është ndalur edhe seria e sfidës mes Torontos dhe Indianas në Konferencën e Lindjes. Kanadezët rikthehen te fitorja post-sezonit të rregullt pas gati dy vitesh, saktësisht 719 ditë prej herës së fundit. Ishte 30 prill 2014 në ndeshjen e pestë të raundit të parë kundër Bruklin. Nga ajo kohë ka pësuar 7 humbje radhazi.
REZULTATET
Toronto-Indiana 98-87
Oklahoma Siti-Dallas 84-85
Golden Steit-Hjuston 115-106
Raundi i parë
Konferenca e Lindjes
Klivlend-Detroit 1-0
Atlanta-Boston 1-0
Majemi-Sharlot 1-0
Toronto-Indiana 1-1
Konferenca e Perëndimit
Golden Steit-Hjuston 2-0
Klipers-Portland 1-0
Oklahoma Siti-Dallas 1-1
San Antonio-Memfis 1-0
