Gazetat italiane kanë bërë të ditur se një prej personazheve të njohura në tribunat e stadiumit "Velodrome" të Marsejës ishte edhe Xhampiero Ventura, trajneri i cili pak ditë më parë u konfirmua si pasardhës i Antonio Kontes në stolin e Italisë.
Sipas "La Gazzetta dello Sport", qëllimi i kësaj vizite nuk ishte për të shijuar Europianin, por për të parë më mirë se si luan Shqipëria, kundërshtare e Italisë në kualifikueset e Botërorit 2018.
Edhe trajneri i kombëtares shqiptare, Xhani De Biazi, ishte kandidat serioz për stolin e Italisë, por në fund Federata Italiane zgjodhi t'i besonte Venturës këtë post.
