Vetem 48 e bizneseve perdorin e-mail

Tendenca Vezhgimi i kryer per tregun e “Teknologjise dhe Informacionit” na nxjerr me mangesi zhvillimi. Mungesa e kultures dhe mundesise ekonomike na pozicionon te fundit ne rajonin e Europes Juglindore, sa i takon perdorimit te kompjuterit dhe marrjes se informacionit nga interneti. Keshtu, dergimi i e-mail-eve, ose komunikimi i bizneseve me poste elektronike ne Shqiperi eshte ne nivel 48.7 per qind, kurse ne vend te pare renditet Estonia, ku gati 95 per qind e bizneseve e perdorin komunikimin elektronik. Po ashtu, ne lidhje me marrjen e informacionit permes internetit apo pasja e nje faqeje interneti te bizneset shqiptare eshte ne nivel te ulet, ku gati 30 per qind e disponojne ate. Ne vend te pare edhe ketu eshte Estonia, ndersa ne vendet e rajonit te Ballkanit, me mire se ne pozicionohen bizneset e Serbise dhe Bosnje-Hercegovines.

Ne pergjithesi, vendi yne renditet nga ekspertet e BB-se ne vend te 96-te sa i takon aftesise per te konkurruar ne bote, por ne fushen e teknologjise eshte shume me keq. “Te treguesi i aftesise per te perdoruar teknologjine e fundit e rendit Shqiperine ne vend te 105-te, kurse ne drejtim te bashkepunimit mes universiteteve dhe industrise per kerkim dhe zhvillim, pozicionohet e 133-ta”, evidenton raporti. Treguesit e “cilesia e institucioneve shkencore dhe kerkimore”, na rendit te 128-et, kurse “shpenzimet e kompanive per kerkim dhe zhvillim” dhe “kapacitetet per inovacione”, na pozicionojne respektivisht ne vend 126 dhe 120.