Vila ku eshte vrare Versace shitet per 41.5 milione dollare

Vila superluksoze ku ka jetuar dhe është vrarë në vitin 1997 stilisti italian, Gianni Versace, është shitur për 41.5 milionë dollarë, raporton AFP.   Prona e mobiluar në tërësi në Miami Beach është blerë nga “VM South Beach LLC”, një grup i udhëhequr nga investitori Joe Nash, pasi ofruan ofertën më të madhe për blerjen e vilës.Ofertat për vilën që quhet “Casa Casuarina” ka 10 dhoma gjumi dhe 11 tualete.Versace ishte 50 vjeç, kur u vra jashtë më 15 korrik të vitit 1997, nga Andrew Cunanan, një prostitutë homoseksuale.

Versace e kishte blerë Casa Casuarinan në vitin 1992 për vetëm 2.9 milionë dollarë, një ndërtesë e stilit mesdhetar e rrethuar me palma. Familja e tij ja ka shitur shtëpinë Peter Loftin në vitin 2000 për 19 milionë dollarë. Loftin dëshironte ta shiste vilën për 125 milionë dollarë dhe kur asnjë nuk dëshironte të paguante aq, ai e zvogëlon çmimin në 75 milionë dollarë.Kur edhe pas kësaj, vila nuk u shit, ai e ofroi atë në ankand, ku edhe u shit për 41.5 milionë dollarë.

Villa do të kthehet në hotel ka thënë Eli Gindi, një tjetër anëtar i kompanisë që tani është pronare e vilës.Objekti është ndërtuar në vitin 1930 nga arkitekti dhe filantropi, Alden Freeman. Ai e bëri këtë në shenjë respekti për shtëpinë më të vjetër në hemisferën perëndimore,  të ndërtuar në vitin 1510 që tani gjendet në Republikën Dominikane, nga Diego Colon, djali i Christopher Columbus.