Nuk mund të bëhet më fjalë për futboll, por për "ligjin e xhunglës", ku më i forti fizikisht mund të anulojë edhe një penallti të akorduar nga gjyqtari, sikurse ndodhi në Vlorë me Besën. Thënë më popullorce, duket se këtij kampionati "ia ka marrë ferra uratën". Si të mos mjaftonin "zig-zaget" e turpshme të komisioneve juridike të FSHF-së, që hedhin poshtë vendimet e njëri-tjetrit, apo që ndryshojnë vendimet pa u tharë ende boja, ajo cka paraqiti ndeshja e Vlorës ka kaluar cdo kufi.
Një penallti e dhënë për Besën nga gjyqtarët, acaron kryebashkiakun Shpëtim Gjika, i cili, bashkë me shefin e klubit, Geri Cipi, hyjnë në fushë dhe merren si dinë ata me gjyqtarët. Ndeshja ndërpritet për mbi 10 minuta, ndërsa gjyqtarët ndërrojnë mendje, duke e anuluar 11-metërshin.
Futbollistët e skuadrës kavajase braktisën fushën në shenjë proteste duke u futur direkt në dhomat e zhveshjes, pa ekzekutuar goditjen e këndit. Në fillim u duk si një tërheqje e tyre nga fusha, por pas bisedave të drejtuesve të të dyja skuadrave kavajasit u rikthyen sërish në lojë.
Në 45 minutat e dyta, ku tensioni ka qenë sërish prezent në fushë, rezultati nuk u ndryshua edhe pas përpjekjeve të kavajasve të cilëve iu anullua dhe një gol për pozicion jashtë loje. Ky ka qenë kulmi i kësaj të diele, në fushat tona të futbollit.
Nga : Gazeta Shekulli
Një penallti e dhënë për Besën nga gjyqtarët, acaron kryebashkiakun Shpëtim Gjika, i cili, bashkë me shefin e klubit, Geri Cipi, hyjnë në fushë dhe merren si dinë ata me gjyqtarët. Ndeshja ndërpritet për mbi 10 minuta, ndërsa gjyqtarët ndërrojnë mendje, duke e anuluar 11-metërshin.
Futbollistët e skuadrës kavajase braktisën fushën në shenjë proteste duke u futur direkt në dhomat e zhveshjes, pa ekzekutuar goditjen e këndit. Në fillim u duk si një tërheqje e tyre nga fusha, por pas bisedave të drejtuesve të të dyja skuadrave kavajasit u rikthyen sërish në lojë.
Në 45 minutat e dyta, ku tensioni ka qenë sërish prezent në fushë, rezultati nuk u ndryshua edhe pas përpjekjeve të kavajasve të cilëve iu anullua dhe një gol për pozicion jashtë loje. Ky ka qenë kulmi i kësaj të diele, në fushat tona të futbollit.
Nga : Gazeta Shekulli
