Volkswagen prezanton makinen e re Golf 7 (FOTO)

Disa thonë se është thjesht një makijazh, të tjerë janë të entuziazmuar. Në Berlin është prezantuar mbrëmë gjenerata e shtatë e makinës më të suksesshme gjermane, Volkswagen Golf. Edicioni i shtatë do jetë 100 kilogram më i lehtë, gjashtë centimetër më i gjatë dhe rreth një centimetër më i gjerë se paraardhësi i tij. Konsumi i karburantit ka zbritur me 23 përqind duke shkuar në 4.8 litra për makinat me benzinë dhe në 3.3 litër për versionin me naftë. Nuk ka asnjë ndryshim në çmim me versionin e mëparshëm: makina do të kushtojë duke nisur nga 16.975 euro.