Gjykatësi grek Georgia Toutountzi ka dëgjuar dëshmitë e para të 8 gardianëve të burgut, Nigrita të Serres të cilët akuzohen për torturimin e shqiptarit Ilia Kareli. Sipas agjensisë ANA MPA, 8 të akuzuarit kanë kërkuar falje për veprën e kryer, e ndërsa akuzohen se në bashkëpunim me njëri- tjetrin kanë torturuar në mënyrë barbare Ilia karelin duke sjellë vdekjen e këtij të fundit.
Tetë oficerë të burgut , të shoqëruar nga avokatët mbrojtës dhe të afërmit , ka kërkuar që falja e tyre të merret parasysh. Sipas burimeve gjyqësore, shtatë gardianët e tjerë, do të thirren të hënë për të dëshmuar.
Për 15 gardianët e burgut Nigrita të Serres, rëndon e njëjta azkuzë, ajo e torturimit të të burgosurit shqiptar që solli dhe vdekjen e tij.
Sipas njërit prej avokatëve mbrojtës , " gardianët e burgut janë plotësisht të vetëdijshëm dhe të ndërgjegjshëm me akuzën që rëndon mbi ta, e ndërsa do të dëshmojë para gjykatësit të gjithë ngjarjen" .
Avokati Evangelos Grammenou , tha se " mbrojtja po merret me dosjen”, e ndërsa theksoi se " ka elementë të rëndësishëm që duhet të vlerësohen me kujdes".
"Çështja është veçanërisht serioze, për të gjykuar nëse akuzat e ngritura tregojnë se të akuzuarit kanë torturuar të burgosurin. Rasti është mjaft i vështirë. Ka të dhëna se Ilia Kareli ka pasur probleme me shëndetin e tij , por pyetja është, se kush e solli vdekjen e tij”, tha avokati Evangelos Grammenou .
Sipas raportit mjeko-ligjor i burgosuri shqiptar, Ilia Kareli, është torturuar për më shumë se dy orë e gjysmë në burgun e Nigritës. Ai është futur në një dhomë pa kamera dhe është torturuar. Në të njëjtën dhomë janë gjetur edhe pika gjaku, të cilat sipas policisë greke rojet e burgut janë munduar t'i pastrojnë.
