Zhvillohet Konferenca per Ballkanin Perendimor

Në Vjenë aktualisht janë duke u zhvilluar dy ngjarje ndërkombëtare, Konferenca për Ballkanin Perëndimor gjatë periudhës 1914-2014, dhe takimi i ministrave për Punë të Jashtme i Nismës së Evropës Qendrore. Tema kryesore e këtij takimi në kuadrin e Nismës së Evropës Qendrore, e cila këtë vit feston 25-vjetorin e saj, është BE-ja si projekt paqeje, hapat e radhës në procesin e zgjerimit të saj dhe situata ekonomike në Ballkanin Perëndimor.

Në mbledhjet e Qendrës së Kongreseve në Hofburg të Vjenës, morën pjesë përfaqësues të nivelit të lartë nga Shqipëria, Bjellorusia, Bosnjë-Hercegovina, Bullgaria, Kroacia, Greqia, Hungaria, Italia, Kosova, Maqedonia, Moldavia, Mali i Zi, Polonia, Rumania, Serbia, Sllovakia, Sllovenia, Republika Çeke dhe Ukraina, si dhe Komisioneri i zgjerimit të BE-së Stefan Fule.

Austria ka kontribuar në mënyrë vendimtare në qasjen e ndërmarrë nga Bashkimi Evropian, me qëllim mbështetjen e kompetencave të zgjedhura në mënyrë demokratike për reformat e orientuara në shtetet e Ballkanit Perëndimor. Sipas këndvështrimit austriak, ka vetëm një mundësi për arritjen e paqes afatgjatë në Ballkan dhe kjo është përfshirja e të gjithë rajonit në procesin e integrimit evropian.

Austria është e mendimit se perspektiva e rritjes së integrimit në të ashtuquajturin “rrjedhat evropiane”, paraqet nxitje më efektive për vendet në fjalë për të shpejtuar proceset e tyre përkatëse të reformës kombëtare. Në bazë të progresit të tyre në rrugën drejt reformës, vendet e Ballkanit Perëndimor mund të përcaktojnë paqen në rritjen e marrëdhënieve miqësore me BE, edhe pse përpjekjet e tyre janë ende të mbështetura nga Bashkimi Evropian.