Zinedin Zidan ka be sim te triumfi në Europë. Ai e krahason atmosferën brenda ekipit të njëjtë me atë të vitit 2014, kur ia dolën që të ngrenë Champions-in. 
Tekniku francez i druhet De Bryjnes dhe kërkon një fitore pa pësuar gol në Mançester...
Do luajnë Ronaldo dhe Benzema?
I kam programuar si titullarë. Do t'i shikoj edhe në stërvitjen e fundit, por jam i bindur që janë në 100% të formës së tyre.
A është Reali në momentin e tij më të mirë?
Besoj se po dhe për këtë jam i lumtur. Është e rëndë- sishme që të mos kemi probleme në një fazë kaq të rëndësishme të edicionit.
Do të luani për barazim në Mançester?
Nuk dua të bëj llogari. Detyra jonë është që të fitojmë dhe të mos pësojmë gol, aq më tepër që po luajmë në transfertë.
Ka presion për të fituar Champions-in?
Jam shumë i qetë. Zakonisht tensionohem vetëm brenda 90 minutave.
E keni studiuar Mançester Sitin?
Është një ekip i fortë, i cili shfrytëzon maksimalisht hapësirat që gjen në mbrojtjen kundërshtare. Kanë lojtarë të shpejtë që përdorin kundërsulmet dhe gjithashtu kanë kualitet në mesfushë, për aksione graduale. Mendoj se i kam studiuar (qesh).
A ka një frymë si ajo e vitit 2014, kur triumfuat në Europë?
Po. I shikoj po aq të përqendruar sa në 2014-n. Por e dimë që të gjithë që nuk është e lehtë. Jemi tri ndeshje larg trofeut, që duket afër, por në fakt është rrugë e gjatë.
I druheni De Bryjnes?
Po. Është duke kaluar një formë të shkëlqyer dhe mendoj se është e rëndësishme që ta markojmë. Lidhet mjaft mirë me Agueron, ndaj duhet ta bllokojmë.
Çfarë ju shqetëson më tepër para duelit në Angli?
Nuk mund t'i quaj shqetësime, por elementë që një trajner mundohet t'i ketë në vëmendje dhe t'ua shpjegojë lojtarëve të tij. Do të jetë një sfidë e bukur, mes dy ekipeve me futbollistë të një niveli maksimal.
Si e shpjegoni faktin që klubet angleze përfitojnë shumë para nga e drejta televizive?
Unë nuk e shikoj futbollin si të varur krejtësisht nga paraja. Më vjen mirë që investohet në këtë sport, pasi rritet cilësia. Premier Liga është një kampionat me shumë skuadra të forta dhe kjo dhuron emocione. Por, jo të gjithë e kanë luksin të shikojnë duelin Real-Barcelona.
