3 Prill 2025

… një fuoristradë “Toyota” duhe te lahet 10 herë në muaj.

Procedura e fundit nga Ministria e Infrastrukturës dhe Energjisë është ajo për lavazhin e automjeteve të institucionit, ndër to edhe makina me të cilën lëviz Balluku, një Audi A8. 10 mijë euro është fondi i përcaktuar i tenderit i cili do të përdoret për lavazhin e 10 automjeteve të Ministrisë së Energjetikës. Makinat për të cilët po realizohet ky tender janë të shefave dhe drejtorëve të Ministrisë së Energjetikës me në krye titullaren Belinda Balluku.

Sipas tenderit, makina e Ballukut duhet të lahet tre herë në javë ose 12 herë në muaj, ndryshe nga 9 automjetet e tjera të Ministrisë. Në dokumentat e tenderit, i zhvilluar në datën 28 mars 2025, që ka siguruar BalkanWeb specifikohet që lavazhi duhet të ketë ambient parkimi minimalisht për 4 automjete brenda territorit ose në dispozionin vet me qëllim që mjeti të mos presë në rrugë.

Lista e makinave që duhet të lahen vijon me larjen e një mjeti “Toyota” 8 herë në muaj, e një “Volkswagen Touareg” 4 herë muaj. Një mjet “”Hyundai” 8 herë në muaj. Një “Volkswagen Tiguan” kërkohet të lahet 10 herë në muaj, një “Land Rover” 2 herë në muaj apo një “Toyota Rav 4” 10 herë në muaj. Gjithashtu është edhe një mjet “Citroen” që të lahet 2 herë në muaj, një “Skoda” dy herë në muaj apo edhe një fuoristradë “Toyota” 10 herë në muaj.

Në dokumente është edhe një zë shërbimi, teksa kërkohet larje tapicerie 10 herë në vit, për 3 vetura dhe 7 fuoristrada.

Gjithashtu, specifikohet që lavazhi të ndodhet brenda qytetit të Tiranës, mundësisht në një distancë jo më shumë se 2 km nga MIE dhe të jetë në shërbim edhe në oraret e pasdites (me dy turne), të punojë dhe ditën e shtunë

Lavazhi duhet të ketë minimalisht 3 poste për larje dhe minimalisht katër punonjës.

Larja e plotë e automjeteve duhet të bëhet për 30 minuta
Pastrimi nga brenda bëhet me fshesë me kompresor
Larje e automjeteve me solucion dhe jo furçë
Orari i kryerjes së shërbimit nga ora 07:00 deri në orën 09:00, ccdo ditë të javës
Automjeti do të presë në radhë për kryerjen e shërbimit, jo më shumë se 30 minuta nga paraqitja në vendin e kryerjes së shërbimit

Afati i tenderit 10 mijë euro për larjen e automjeteve është deri në datën 31 dhjetor 2025.

***

Duke qenë edhe në postin numër 2 të qeverisë, zv/kryeministrja Belinda Balluku ka emëruar disa vartës në poste të rëndësishme të shtetit, ndërsa edhe drejtorët e saj aktualisht në detyrë marrin për vete dhe familjarët e tyre qindra miliona euro nga fondet publike.

Denoncime të panumërta për zv/kryeministren dhe vartësit e saj ka bërë edhe emisioni investigativ Vetting në News24. Balluku kontrollon edhe Portin e Durrësit, Hekurudhat apo edhe Tatimet. I fundit i larguar nga drejtoria e Tatimeve, Ceno Klosi dhe i rehabilituar për disa muaj si zëvendës i Ballukut te Ministria e Energjetikës, është në hetim nga SPAK për 4 akuza si korrupsion, shpërdorim detyre, mashtrim dhe falsifikim.