Bushati flet për protestën: Opozita ishte një dështim, nga sot Rama u bë …
Bushati flet për protestën: Opozita ishte një dështim, nga sot Rama u bë …
16 shkurt 2019
Analisti Andi Bushati i ftuar në emisionin “Kjo Jave” me Nisida Tufën bëri një analizë të përgjithshme të protestës së opozitës së bashkuar. Sipas Bushatit, e gjithë protesta ishte një dështim i madh dhe pavarësisht përpjekjeve të opozitës për dhunë, nuk ia dolën dot t’i merrnin frytet.
Bushati u ndal edhe te figura e kryeministrit Edi Rama ndërsa shtoi se ai është më i fortë pas kësaj proteste.
“Në qoftë se do të jepnim një konkluzion të përgjithshëm protesta e opozitës është një dështim. Ka një shprehje populli kur do nxjerrësh shpatën nga mielli duhet ta dish nga ta çosh. Në ktë kuptim duket sikur opozita tentoi të bënte dhunë, mori njollën dhe nuk mori frutet.
Edi Rama duket më i dobët mbrëmë në darkë apo sot? Mua më duket se kryeministri Edi Rama është më i fortë sot.
E dyta kemi një shprehje të Monika Kryemadhit e cila nga emisioni i “Të Paekspozuarit” bëri me dije o do largohem une dhe Basha ose Rama.
Kishte shumë deklara të forta të ambasadave kryesore në Shqipëri, kur e nxjerr shpatën nga milli duhet ta dish nga do e çosh. Këto bëhen të gjitha llogaritë më para dhe do dish si do e cosh në fund. Opozitën e dëmtoi gjuha e dyfishtë. Ata që duan të hapnin dyert e kryeministrisë ishin ithtarët e opozitës, kishim një mosmarrje përgjegjësie nga lidërët kryesore.
Opozita ishte e dënuar ose të bënte një protestë si më parë. Ka një fjalor dhe sfond të aksionit opozitar. Edi Rama nuk mundet me zgjedhje se Edi Rama kupton vetëm me gjuhën e dhunës. A ishte e aftë opozita që t’i tregonte Ramës që nuk merr vesh me gjuhën e dhunës”, tha Bushati.