“2 marsi do të hyjë në historinë e Shqipërisë”, Meta lëshon paralajmërimin e radhës dhe ‘thumbon’ ashpër PS: Kjo është vetëm nisja! Ka edhe…

29 SHKURT 2020

Presidenti Ilir Meta tha sot se 2 marsi, dita në të cilën ai ka thirrur një manifestim me popullin shqiptar “do hyjë në historinë e Shqipërisë si nisja e ndërgjegjësimit të shqiptarëve për shenjtërimin e kushtetutës sonë”.

Kjo ditë do jetë vetëm nisja u shpreh Meta, ndërsa ironizoi duke kujtuar se ka edhe 1 prill, një datë kjo në të cilën është firmosur marrëveshja për koalicionin qeverisës mes PS dhe LSI, në kohën që presidenti drejtonte forcën politike të Lëvizjes Socialiste për Integrim.

• “Do vijnë nga SHBA dhe Mbretëria e Bashkuar”, Meta nxjerr detaje nga protesta e 2 marsit, zbulon edhe kërkesën e pazakontë që i ka bërë policisë
• • “Puçistët në alert”/ Henri Çili “peshku i madh” i drejtësisë? Meta nuk përmbahet: Pres të arrestohen edhe Zheji dhe Lubonja, po të dëgjoni se drejtojnë ‘Camorran’ dhe ‘Ndraghetan’ nuk do…

“Asgjë nuk mbaron më 2 mars, ka edhe 3 mars, ka edhe 1 prill, dhe e shikoni sa 1 prilla kemi këtu. Për ligjin ndoshta nga më të rëndësishmit që ka të bëjë me integritetin e anëtarëve të GJK që duhet të jenë garant të sovranitetit e integritetit të atdheut tonë s’bëhet fjalë për disa vende pune, po për të mbrojtur shtetin e pushtetin nga puçistët sot e në çdo vend.

Pa kushtetutë nuk ka demokraci dhe pa demokraci në këtë periudhë globalizmi s’ka as Shqipëri.

Kështu që në 2 mars kemi vetëm një nisje, e cila në çdo rast e në çdo drejtim që do eci do bëjë të mundur që shqiptarët të kuptojnë që nëse demokracia jonë e shteti degradoi deri sa presidenti ti drejtohet popullit, ndodhi për shkak se në 22 vjet u përdhos në mënyrën më të pabesë, poshtër e më mafioze së fundmi, vullneti i popullit në referendum.

2 marsi do hyjë në historinë e Shqipërisë si nisja e ndërgjegjësimit të shqiptarëve për shenjtërimin e kushtetutës sonë“, tha kreu i shtetit.

Gazeta Sot