“28 muzikantë të ndryshëm”,  bashkëshorti i Merita Halilit promovon albumin e tij të parë (Foto)

17 DHJETOR 2020

Ditën e sotme në një lidhje “Skype” nga Amerika me emisionin “Shqipëria Live” ishte Merita Halili së bashku me bashkëshortin e saj, Raif Hyseni, për të folur rreth albumit të këtij të fundit.

Këngëtarja e njohur dhe Hyseni jetojnë në Caldwell të New Jersey. Si çift, gjithmonë vihen në shërbim të eventeve të komunitetit shqiptar në SHBA, ndaj dhe janë të dashur për të gjithë.

Raif Hyseni

Hyseni tregoi gjatë lidhjes së drejtpërdrejtë se të dielën do të promovojë albumin e tij të parë në Zoom.

“Është një punë që e kam nisur me kohë. Rëndësia e albumit është se ka 28 muzikantë të ndryshëm nga Shqipëria, Maqedonia dhe Kosova, por edhe të huaj nga USA, Turqisë, Bullgarisë. Këta muzikantë që luajnë muzikë shqiptare. Ata çmenden pas muzikës shqiptare, e kjo është arsyeja se pse është kaq vonë albumi im. Pasi doja ta promovoja sa më mirë”, tha Hyseni.

Raif Hyseni dhe Merita Halili

Ky i fundit shtoi se albumi ka kompozime të reja, si edhe tango Tirana. “Të gjithë e dinë se tango është e Argjentinës, por dua të tërheq vëmendjen se tango ka edhe në Tiranë. Apo pjesa tjetër, shqiptari në Japoni”, rrëfen Raif.

Raif Hyseni

Gazeta Shqip