Antibiotikët në Kosovë po shiten si bonbone, pa recetë të mjekut. –

Kosovarët të shumtë vazhdojnë për marrin antibiotik pa recetën e mjekut. Shitjen në barnatore nuk po mund ta kontrolloj Inspektorati Farmaceutik derisa mikrobiologët thonë se pasojat e përdorimit të tepërt të tyre janë të mëdha.

Kosova radhitet në mesin e vendeve me shkallën më të lartë në Europë, të përdorimit të disa llojeve të antibiotikëve.

Në barnatoret e Kosovës, antibiotiku vazhdon të shitet pa recetën e mjekut.

Edhe pse Kosova e ka një ligj që e ndalon shitjen e ilaçeve pa recetë, ligji vazhdon të mos respektohet.

Megjithatë sipas ushtruesit të detyrës së drejtorit të Inspektoratit Farmaceutik në Ministrinë e Shëndetësisë, Shaban Osmanaj, tani gjendja është më e mirë se viteve të kaluara.

Por ndryshe nga Osmanaj, kryetari i Odës së Farmacistëve të Kosovë, Arianit Jakupi, thotë se kosovarët vazhdojnë të konsumojnë me të madhe antibiotik.

E pasojat sipas mikrobiologut Lul Raka, janë të mëdha për përdoruesit e shpeshtë të këtyre tabletave.

“Pasoja kryesore është shfaqja ndaj rezistencës së anatibiotkëve. Dmth këto barna personi që i ka përdor më parë në të ardhmen nëse i përdor nuk do të kenë efekt”, tha ai.

E futja në fuqi e Ligjit për Sigurime Shëndetësore dhe rimbursimit të barnave, do ta bëjë të obligueshëm respektimin e shitjes së barnave me recetë, meqë pacientit nuk mund t’i rimbursohen barnat pa e pasur sistemin e referimit komplet dhe recetën e barnave.