Arbitrazhi/ Meta – Avokaturës së Shtetit: Afat deri më 2 nëntor për informacion, ndryshe padi penale

– 31/10/20

… Bëhet fjalë për të paktën 110 milionë euro detyrim ndaj Becchetit dhe 43 milionë euro ndaj firmës greke “Aktor”… .

President Ilir Meta i kërkon Avokaturës së Shtetit informacion për çështjet e arbritrazhit.

Kreu i shtetit thotë se kanë kaluar mbi tre muaj pa marrë përgjigje, dhe se mbetet ende në pritje të saj.

Presidenca i ka dhënë afat Avokaturës së Shtetit për kthim përgjigje deri më datën 2 nëntor, përndryshe do ta kallëzojë penalisht për shpërdorim detyre.

Kërkesa e Presidentit vjen pas humbjeve të shkaktuara nga qeveria me kompani të huaja në Arbitrazh.

Bëhet fjalë për të paktën 110 milionë euro detyrim ndaj Becchetit dhe 43 milionë euro ndaj firmës greke “Aktor”.

Penalitete këto që bien mbi shqiptarët, për shkak të kontratave të prishura nga qeveria e Kryeministrit Rama.

Gazeta mapo.al